МЗС Польшчы: Ціманоўская атрымала польскую візу

© REUTERS / KIM KYUNG-HOONКрысціна Ціманоўская каля будынка пасольства Польшчы ў Японіі, 2 жніўня 2021 года
Крысціна Ціманоўская каля будынка пасольства Польшчы ў Японіі, 2 жніўня 2021 года - Sputnik Беларусь, 1920, 02.08.2021
Падпісацца
Беларуская спартсменка знаходзіцца ў прамым кантакце з польскімі дыпламатамі ў Токіа.
МІНСК, 2 жні – Sputnik. Беларуская лёгкаатлетка Крысціна Ціманоўская атрымала польскую гуманітарную візу, пра гэта ў Twitter паведаміў намеснік міністра замежных спраў Польшчы Марцін Пшыдач.
Ён удакладніў, што беларуская спартсменка знаходзіцца ў прамым кантакце з польскімі дыпламатамі ў Токіа.
"Польшча зробіць усё неабходнае, каб дапамагчы ёй працягваць спартыўную кар'еру", - напісаў Пшыдач.

Што адбылося

1 жніўня Крысціна Ціманоўская заявіла СМІ, што яе датэрмінова спрабуюць адправіць з Токіа ў Мінск. Прытым 2 жніўня ў спартсменкі быў запланаваны старт на 200 метраў.
Крыху пазней у НАК Беларусі патлумачылі, чаму лёгкаатлетку вырашылі адклікаць з Японіі.
"Па словах урачоў, у сувязі з эмацыянальна-псіхалагічным станам спартсменкі", - адзначылі там.
Па прыбыцці ў аэрапорт Токіа спартсменка звярнулася да супрацоўнікаў паліцыі, а затым запісала відэазварот да МАК з просьбай разабрацца ў сітуацыі. У арганізацыі заявілі, што вывучаюць узніклую праблему.

Рэакцыя на скандал

Міжнародны алімпійскі камітэт заявіў, што пасля выпадку з Ціманоўскай можа перагледзець умовы ўдзелу беларускіх спартсменаў у Алімпійскіх гульнях.
Нацыянальны алімпійскі камітэт Беларусі паведаміў, што ўважліва сочыць за сітуацыяй з лёгкаатлеткай і цесна супрацоўнічае па гэтым пытанні з аргкамітэтам Гульняў у Токіа і Міжнародным алімпійскім камітэтам.
Пасольства Беларусі звярнулася да японскага боку з просьбай прадаставіць інфармацыю аб беларускай лёгкаатлетцы.
Увечары ў нядзелю ў эфіры беларускага тэлебачання сітуацыю пракаменціраваў галоўны трэнер па лёгкай атлетыцы Юрый Маісевіч.

Чым вядома Крысціна Ціманоўская

Крысціне Ціманоўскай 24 гады, яна выступае за зборную Беларусі па лёгкай атлетыцы з 2015-га, з'яўляецца майстрам спорту краіны міжнароднага класа. Лёгкаатлетка - чэмпіёнка Універсіяды ў Неапалі, пераможца і прызёр беларускіх нацыянальных першынстваў, неаднаразова ўдзельнічала ў буйных міжнародных турнірах, у тым ліку ў чэмпіянаце свету ў Дохе.
На дадзены момант у скарбонцы беларускіх спартсменаў два медалі - "золата" заваяваў у суботу скакун на батуце Іван Літвіновіч, у нядзелю "бронзу" узяў Максім Недасекаў.
Чытайце таксама:
Прэзідэнт выказаўся аб пустой медалёвай скарбонцы беларусаў на Алімпіядзе
Лукашэнка - алімпійцам: лозунг "Спорт па-за палітыкай" забыты даўно
Лукашэнка: спартыўныя перамогі дэманструюць узровень развіцця краіны
Стужка навiн
0