У беларусаў будзе яшчэ адзін медаль - і зноў у барацьбе

© REUTERS / LEAH MILLISМагамедхабіб Кадымагамедаў і Франка Чаміса Маркес
Магамедхабіб Кадымагамедаў і Франка Чаміса Маркес - Sputnik Беларусь, 1920, 05.08.2021
Падпісацца
За ўзнагароду вышэйшай вартасці пазмагаецца Магамедхабіб Кадымагамедаў, сёння ён адолеў знакамітага італьянца.
МІНСК, 5 жні – Sputnik. Беларускі барэц вольнага стылю Магамедхабіб Кадымагамедаў выйшаў у фінал алімпійскага турніру.
У ½ ён сустрэўся з італьянскім барцом кубінскага паходжання Франка Чаміса Маркесам. У напружаным паядынку прадстаўнік Беларусі перамог з лікам 9:7.
Раней у 1/8 фіналу Кадымагамедаў быў мацней кубінца Хеандры Гарсон Кабалера (12:8). У чвэрцьфінале Магамедхабіб выйграў у амерыканца Кайла Дэйка з лікам 11:0.
За золата Алімпіяды Кадымагамедаў, які выступае ў вагавой катэгорыі да 74 кг, пазмагаецца 6 жніўня з расіянінам Заурбекам Сідаковым.
На дадзены момант у зборнай Беларусі ў Токіа два медалі - золата ў скачках на батуце (Іван Літвіновіч) і бронза ў скачках у вышыню (Максім Недасека). Чэмпіён і прызёр ўжо вярнуліся на Радзіму.
Раней пра дасягненні беларускіх спартсменаў у Токіа выказаўся прэзідэнт Беларусі Аляксандр Лукашэнка.
Ён падкрэсліў, што многія краіны не заахвочваюць матэрыяльна спартсменаў за алімпійскія медалі. Ён запэўніў, што не супраць фінансавых выплат, але яны павінны быць заслужаныя.
"Я не супраць, калі таленавіты, прывёз краіне славу, медалі, ордэны - атрымлівай усё. Вось табе зямельны ўчастак, будуй дом, вось табе за медаль вялікія грошы мы плацім", - сказаў беларускі лідар.
Чытайце таксама:
У Беларусі будзе яшчэ адзін медаль на Алімпіядзе
Максім Недасекаў прынёс зборнай Беларусі другі медаль Гульняў-2020
Першы медаль: батуціст Літвіновіч стаў чэмпіёнам Алімпійскіх гульняў
Стужка навiн
0