Лукашэнка павіншаваў прэзідэнта Узбекістана з Днём Незалежнасці

© Sputnik / Сергей ГунеевПрэзідэнт Узбекістана Шаўкат Мірзіееў
Прэзідэнт Узбекістана Шаўкат Мірзіееў - Sputnik Беларусь, 1920, 01.09.2021
Падпісацца
Кіраўнік дзяржавы падкрэсліў, што Мінску і Ташкенту ўдалося захаваць і прымножыць шматгадовыя традыцыі цёплых, дружалюбных і даверных адносін.
МІНСК, 1 вер – Sputnik. Прэзідэнт Беларусі Аляксандр Лукашэнка павіншаваў свайго калегу Шаўката Мірзіеева з 30-годдзем незалежнасці Узбекістана, аб гэтым паведамілі ў прэс-службе беларускага лідара.
У віншаванні гаворыцца, што за невялікі па гістарычных мерках перыяд Узбекістан стаў суверэннай і незалежнай дзяржавай і заслужыў прызнанне сусветнай супольнасці.

"Ваша краіна развіваецца імклівымі тэмпамі, дэманструючы высокія дасягненні і эфектыўныя пераўтварэнні ва ўсіх сферах функцыянавання дзяржавы, уносіць важкі ўклад у забеспячэнне стабільнасці і бяспекі ў Цэнтральнай Азіі. Прыемна, што Мінску і Ташкенту ўдалося захаваць і прымножыць шматгадовыя традыцыі цёплых, дружалюбных і даверных адносін" - адзначыў прэзідэнт Беларусі.

Аляксандр Лукашэнка выказаў зацікаўленасць у далейшым развіцці супрацоўніцтва паміж дзвюма краінамі, пашырэнні ўзаемадзеяння дзякуючы новым перспектыўным праектам.

Беларуска-узбекскія адносіны

Беларусь і Узбекістан паспяхова развіваюць двухбаковыя адносіны на вышэйшым узроўні.
У жніўні 2019 года Шаўкат Мірзіееў наведваў Беларусь з афіцыйным візітам. Падчас перамоў кіраўнікі дзяржаў дасягнулі шэрага дамоўленасцяў, якія цяпер рэалізуюцца.

Як святкуюць ва Узбекістане

У гонар юбілею Дня Незалежнасці прэзідэнт Узбекістана ўзнагародзіў ордэнамі і медалямі выдатных дзеячаў, а Нацбанк краіны выпусціў памятныя манеты.
Па-асабліваму адзначылі 30 гадоў незалежнасці Узбекістана і ў іншых краіны. Оперная дзіва з Італіі выканала гімн гэтай краіны, на адной з самых высокіх горных вяршынь Паміра ўзбекскія альпіністы ўстанавілі дзяржаўны сцяг, у яго ж колеры святлом афарбавала свае славутасці сталіца Малайзіі (Куала-Лумпур).
Узбекістан працягвае чараду Дзён незалежнасці, абвешчаных былымі савецкімі рэспублікамі пасля распаду СССР у 1991 годзе.
Раней Аляксандр Лукашэнка павіншаваў з 30-годдзем з дня атрымання незалежнасці прэзідэнтаў Малдовы, Кыргызстана і народ Украіны.
Чытайце таксама:
Лукашэнка павіншаваў прэзідэнта Кыргызстана з юбілейным Днём незалежнасці
Лукашэнка павіншаваў народ Украіны з Днём незалежнасці
Лукашэнка: лёсы беларусаў і яўрэяў цесна пераплецены
Стужка навiн
0