Расія і ЗША працягнуць дыялог па кантролі над узбраеннямі - Лаўроў

© Sputnik / Сергей Гунеев / Перайсці ў фотабанкВыступленне кіраўніка МЗС Расіі Сяргея Лаўрова ў МДІМА
Выступленне кіраўніка МЗС Расіі Сяргея Лаўрова ў МДІМА - Sputnik Беларусь, 1920, 01.09.2021
У прыватнасці, Масква і Вашынгтон рыхтуюць новыя кантакты па пытаннях у сферы кібербяспекі.
МІНСК, 1 вер – Sputnik. Пазіцыі ЗША і Расіі па кантролі над узбраеннямі пакуль далёкія, але дыялог будзе працягнуты, заявіў кіраўнік МЗС РФ Сяргей Лаўроў.
"Дыялог ідзе і дае падставы спадзявацца, што аснова для далейшых канкрэтных перамоў па абмежаванні ўзбраенняў будзе ўзгоднена", - сказаў Лаўроў, выступаючы перад студэнтамі і прафесарска-выкладчыцкім саставам у МДІМА.

Стрымліванне на міжнароднай арэне

Па словах кіраўніка МЗС, РФ і ЗША рыхтуюць цяпер новыя кантакты па пытаннях у сферы кібербяспекі.
"У агульных рысах на сустрэчы ў Жэневе (Пуцін і Байдэн - Sputnik) казалі аб неабходнасці ўсё ж такі наладзіць дыялог па кібербяспецы. Гэта яшчэ адна тэма, па якой мы не маглі дастукацца да Вашынгтона некалькі гадоў", - нагадаў Лаўроў.
Такія кантакты рыхтуюцца і ёсць усе падставы меркаваць, што па нейкіх напрамках атрымаецца хаця б ледзь-ледзь знізіць напружанасць на міжнароднай арэне, падкрэсліў ён. Пры гэтым адзначыў, што спробы наладзіць дыялог у асобных сферах не адмяняюць факта, што ЗША па-ранейшаму імкнуцца "стрымліваць Маскву" на міжнароднай арэне.
"ЗША працягваюць ставіць адной са сваіх галоўных задач на міжнароднай арэне стрымліванне РФ, як і КНР, і заахвочванне мер, якія могуць спрыяць гэтаму раздражняльнаму ўздзеянню на нас", - дадаў Лаўроў.

Сітуацыя з мінскімі дамовамі

Пракаменціраваў Лаўроў на сустрэчы ў МДІМА і сітуацыю з мінскімі пагадненнямі. Паводле яго слоў, самі пагадненні па ўрэгуляванні сітуацыі на ўсходзе Украіны не прадугледжваюць прымусу да іх выканання. Больш за тое: Кіеў сам добраахвотна ўзгадніў і падпісаў гэты дакумент.
"Яны (пагадненні - Sputnik) былі добраахвотна ўзгоднены і добраахвотна падпісаны, і аднагалосна адобраны Саветам Бяспекі ААН, тым самым, стаўшы часткай міжнароднага права", - сказаў Лаўроў.
І дадаў: калі ўкраінскія ўлады пазбягаюць выканання мінскіх пагадненняў, Масква якраз і звяртае на гэта ўвагу тых, хто ўдзельнічаў у складанні дакумента, перш за ўсё размова аб Германіі і Францыі.
"Па-першае, па сутнасці справы, забараняюць рускую мову, па-другое, забараняюць даваць якія-небудзь асаблівыя паўнамоцтвы гэтым тэрыторыям, якія абвясцілі сябе Данецкай і Луганскай народнымі рэспублікамі, забараняюць узгадняць з імі параметры правядзення там мясцовых выбараў. А гэта ўсё тое, што складае саму сутнасць мінскіх дамоўленасцей", - растлумачыў Лаўроў.
І нагадаў, што безальтэрнатыўнасць мінскіх дамоўленасцей для ўрэгулявання крызісу ў Данбасе прызнаюць усе без выключэння ўдзельнікі перамоў.
Чытайце таксама:
Амаль паўмільярда чалавек маглі б цяпер жыць у Расіі, заявіў Пуцін
Пуцін: Расія і ЗША дамовіліся вярнуць паслоў
Лаўрова абурылі словы Зяленскага ў дачыненні да рускіх на Украіне
Лаўроў пра Захад: у Расіі 90-х гэта называлася "дзейнічаць па паняццях"
Лаўроў ацаніў стан адносін Расіі і Еўрасаюза
Шукаць кампраміс паміж ЗША і РФ заклікае Уладзімір Пуцін
Байдэн: ЗША хочуць стабільных адносін з Расіяй і не шукаюць з ёй канфлікту
Захад за кошт Мінска спрабуе стварыць пояс нестабільнасці вакол Расіі - Лаўроў
Стужка навiн
0
Спачатку новыяСпачатку старыя
loader
У эфіры
Заголовок открываемого материала