Івашка прайшоў у трэці круг US Open

© REUTERS / Jerry LaiІлля Івашка
Ілля Івашка - Sputnik Беларусь, 1920, 03.09.2021
Раней у трэці раўнд Адкрытага чэмпіянату ЗША па тэнісе прайшлі беларускія тэнісісткі Вікторыя Азаранка і Арына Сабаленка.
МІНСК, 3 вер – Sputnik. Беларускі тэнісіст Ілля Івашка перамог у другім крузе адкрытага чэмпіянату ЗША і выйшаў у 1/16 турніру, паведамляе Sputnik.
Івашка адолеў прадстаўніка Канады Вашэка Паспішыла з лікам 6:3, 6:4, 7:6 (7:5).
Раней на старце чэмпіянату беларускі спартсмен перамог амерыканца Тэніса Сандгрэна - 7:6 (7:3), 6:3, 6:4.
Нагадаем, што Івашка падняўся на дзесяць пазіцый у рэйтынгу тэнісістаў-прафесіяналаў (АТР) у адзіночным разрадзе пасля таго, як перамог на турніры ва Уінстан-Сейлеме. Тады па выніках турніру ён зарабіў 1 250 балаў і заняў 53-і радок.
Паспяхова выступаюць на US Open і беларускія тэнісісткі. Другая ракетка планеты Арына Сабаленка на старце абыграла сербку Ніну Стаянавіч, а затым менш чым за гадзіну - славенку Тамару Зіданшак.
Вікторыя Азаранка адолела чэшскую тэнісістку Тэрэзу Мартынцову і італьянку Язмін Пааліні.
Яшчэ двое беларускіх тэнісістаў раней выбылі з турніру - Ягор Герасімаў і Аляксандра Сасновіч прайгралі на старце чэмпіянату.
Прызавы фонд Адкрытага чэмпіянату ЗША па тэнісе складае 57,2 мільёна долараў. Турнір завершыцца 12 верасня.
У гэтым годзе арганізатары вырашылі дазволіць гледачамі прысутнічаць на чэмпіянаце - у 2020-м доступ для прыхільнікаў гэтага віду спорту з-за пандэміі быў забаронены.
Чытайце таксама:
Івашка ўпершыню ў кар'еры выйграў турнір ATP
Менш чым за гадзіну: Сабаленка выйшла ў трэці круг US Open
Сабаленка і Азаранка выйшлі ў другі раўнд US Open
Стужка навiн
0
Спачатку новыяСпачатку старыя
loader
У эфіры
Заголовок открываемого материала