Сцягі Беларусі і Расіі - Sputnik Беларусь, 1920, 06.07.2021
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Галоўчанка: двухбаковыя адносіны з Расіяй прайшлі праверку на трываласць

© Sputnik / Виктор ТолочкоРаман Галоўчанка на Савеце міністраў Саюзнай дзяржавы
Раман Галоўчанка на Савеце міністраў Саюзнай дзяржавы - Sputnik Беларусь, 1920, 10.09.2021
Напярэдадні ў расійскай сталіцы адбылася сустрэча Аляксандра Лукашэнкі і Уладзіміра Пуціна, падчас якой кіраўнікі дзяржаў абмеркавалі далейшы ход саюзнай інтэграцыі.
МІНСК, 10 вер – Sputnik. У рамках Саюзнай дзяржавы рэалізуюцца маштабныя праекты, сказаў прэм'ер-міністр Беларусі Раман Галоўчанка на Савеце міністраў Саюзнай дзяржавы, перадае карэспандэнт Sputnik.
Паводле яго слоў, у ходзе саюзнага будаўніцтва пройдзены вялікі плённы шлях.
Беларусь і Расія сфарміравалі дагаворную базу і стварылі ўмовы для забеспячэння роўных сацыяльна-эканамічных праў грамадзян.
"Гэта той базіс, з якога мы пачалі саюзнае будаўніцтва", - канстатаваў кіраўнік урада Беларусі.
Пасля чаго дадаў, што абедзве краіны сістэмна ўзаемадзейнічаюць у галіне знешняй і абароннай палітыкі.
Раман Галоўчанка асабліва адзначыў, што ў рамках Саюзнай дзяржавы ператвараюцца ў жыццё знакавыя праекты ў такіх кірунках як атамная энергетыка і космас.
"Саюз Беларусі і Расіі стаў лакаматывам інтэграцыйных працэсаў і на постсавецкай прасторы, стварыўшы неабходныя перадумовы для ўзнікнення магутнага сучаснага эканамічнага міждзяржаўнага ўтварэння - Еўразійскага эканамічнага саюза", - нагадаў ён.
"Сёння ва ўмовах беспрэцэдэнтнага ціску з боку трэціх краін двухбаковыя адносіны прайшлі праверку на трываласць", - падкрэсліў Раман Галоўчанка.
Пры гэтым ён з задавальненнем адзначыў, што ўдаецца падтрымліваць узровень узаемнага тавараабароту, які ў першым паўгоддзі павялічыўся на 35% і склаў амаль 18 мільярдаў долараў.

Сур'ёзны вынік

Беларускі прэм'ер сказаў, што на адабрэнне саюзнага Саўміна выносіцца пакет дакументаў, якія вызначаюць далейшы напрамак інтэграцыйнага супрацоўніцтва ў рамках дамовы аб стварэнні Саюзнай дзяржавы.
"Сёння мы выйшлі не на канчатковы, сур'ёзны прамежкавы вынік: узгоднены праекты асноўных напрамкаў рэалізацыі палажэнняў дагавора аб стварэнні Саюзнай дзяржавы і 28 саюзных праграм", - распавёў Раман Галоўчанка.
На яго думку, урады дзвюх краін правялі інвентарызацыю палажэнняў саюзнага дагавора, на гэтай аснове быў сфарміраваны новы пералік задач у мэтах далейшага развіцця адносін пры безумоўным захаванні суверэнітэту.
"Гэта адказ тым, хто займаецца палітычнымі спекуляцыямі на тэме інтэграцыі ў рамках Саюзнай дзяржавы", - звярнуў увагу кіраўнік урада Беларусі.
Прычым выказаў упэўненасць, што дакументы, якія трэба будзе ўхваліць, прынясуць відавочную карысць грамадзянам дзвюх краін.
Раман Галоўчанка назваў новым этапам саюзнай інтэграцыі гарманізацыю заканадаўства ў ключавых галінах эканомікі. Пакет дакументаў накіраваны на далейшае развіццё эканамічнай прасторы, фарміраванне аб'яднаных галіновых рынкаў, рэалізацыю адзінай фінансавай, крэдытнай, падатковай, гандлёвай палітыкі.
"Рэалізацыя саюзных праграм дазволіць удасканальваць грашова-крэдытныя адносіны, зблізіць падатковыя сістэмы, павысіць узровень узаемадзеяння галіновых міністэрстваў і ведамстваў дзвюх краін, у тым ліку, за кошт прымянення сучасных лічбавых тэхналогій", - удакладніў прэм'ер.
Беларускі бок нацэлены на фарміраванне якасна новага асяроддзя для абароту тавараў і паслуг для бесперашкоднага доступу на рынкі дзвюх дзяржаў. Асобная ўвага нададзена прамысловай кааперацыі і харчовай бяспецы.
"Важным складнікам з'яўляецца ўзаемадзеянне ў энергетычнай сферы. Адно з цэнтральных месцаў будзе займаць выраўноўванне сацыяльна-эканамічных умоў для грамадзян Расіі і Беларусі з далейшым пашырэннем іх праў і свабод на тэрыторыі абедзвюх дзяржаў", - запэўніў Раман Галоўчанка.
"Рэалізацыя дакументаў, якія прымаюцца, пацвярджае запатрабаванасць фармату Саюзнай дзяржавы, яе актуальнасць і перспектыўнасць", - лічыць ён.
На думку прэм'ера, змест саюзных праграм сугучны з пабудовай ЕАЭС і нават апярэджвае.
Чытайце таксама:
Лукашэнка пра перамовы з Пуціным: такіх крокаў мы яшчэ не рабілі
Сустрэча Пуціна і Лукашэнкі ў Маскве: пра што ўдалося дамовіцца
Мішусцін і Мезенцаў абмеркавалі паглыбленне інтэграцыі ў Саюзнай дзяржаве
Лукашэнка: прыняцце саюзных праграм будзе прарывам
Беларусь і Расія выканаюць саюзныя праграмы да 2025 года - віцэ-прэм'ер
Стужка навiн
0
Спачатку новыяСпачатку старыя
loader
У эфіры
Заголовок открываемого материала