Справу аб генацыдзе народа Беларусі перададуць усім краінам ЕС

© Photo : Генеральная прокуратура Республики БеларусьГенеральная пракуратура Рэспублікі Беларусь
Генеральная пракуратура Рэспублікі Беларусь - Sputnik Беларусь, 1920, 29.09.2021
Па словах Андрэя Шведа, на бягучы момант устаноўлена ўжо каля 200 раней невядомых месцаў генацыду мірных грамадзян, апытаны больш за 10 тысяч людзей.
МІНСК, 29 вер – Sputnik. Матэрыялы пра генацыд народа Беларусі ў гады Вялікай Айчыннай вайны будуць перададзены ўсім генпракурорам краін Еўрапейскага саюза і іншых дзяржаў да канца 2021, заявіў у сераду журналістам беларускі генпракурор Андрэй Швед.
"Мы абагульняем матэрыялы, звязаныя з генацыдам беларускага народа, якія будуць прадстаўлены сусветнай грамадскасці. Да канца года такія матэрыялы будуць перададзены ўсім генеральным пракурорам Еўрапейскага саюза, а таксама генеральным пракурорам іншых краін, якія ўваходзяць у Міжнародную асацыяцыю пракурораў", - адзначыў ён.
Кіраўнік беларускай нагляднага ведамства дадаў, што расследаванне крымінальнай справы аб генацыдзе працягваецца. Акрамя следчых, да працы прыцягнуты ваенныя пошукавікі.
"Па маёй просьбе і па рашэнні міністра абароны іх склад павялічаны ў сілу таго, што мы знаходзім новыя раней невядомыя месцы масавага знішчэння грамадзян", - сказаў генпракурор.
Па словах Андрэя Шведа, на бягучы момант устаноўлена ўжо каля 200 раней невядомых месцаў генацыду мірных грамадзян, апытаны больш за 10 тысячы жывых сведак генацыду ў гады Вялікай Айчыннай вайны.

Справа аб генацыдзе

Генеральная пракуратура з вясны 2021 года вядзе расследаванне крымінальнай справы аб генацыдзе насельніцтва Беларусі ў гады Вялікай Айчыннай вайны і пасляваенны перыяд. У рамках гэтай справы па ўсёй краіне ідуць пошукі раней невядомых месцаў масавага пахавання забітых нацыстамі і іх памагатымі.
Швед адзначаў, што Мінск будзе ставіць пытанне аб выдачы ваенных злачынцаў, якія яшчэ жывыя, для адкрытага суда на тэрыторыі рэспублікі. Генпракурор таксама заяўляў, што беларускі бок мае намер прадставіць у міжнародны трыбунал доказы для пачатку працэдуры прызнання генацыду ў гады вайны. Сфарміраваць першы пакет дакументаў плануецца ў гэтым годзе.

Шматмільярдная шкода

У жніўні гэтага года Генеральная пракуратура звярнулася ва ўрад Беларусі з ініцыятывай аб стварэнні міжведамаснай камісіі па ацэнцы памеру маёмаснай шкоды, нанесенай БССР нацыстамі падчас вайны.
У ведамстве патлумачылі, што з улікам інфляцыі агульная сума шкоды можа складаць не менш за 500 мільярдаў долараў.
У гэтую суму ацанілі разбурэнне прамысловых прадпрыемстваў, будынкаў, аб'ектаў інфраструктуры, разрабаванне калгасаў, канфіскацыю жывёлы, вываз завадскога абсталявання і крадзеж гісторыка-культурных каштоўнасцей - музейных экспанатаў, прадметаў жывапісу.
Чытайце таксама:
Расія актыўна аказвае садзейнічанне ў расследаванні справы аб генацыдзе - Швед
Латвія адмовіла Беларусі ў прававой дапамозе па справе аб генацыдзе
Літва спрыяе ўкрывальніцтву нацысцкіх злачынцаў - Генпракуратура
Не менш за $500 млрд: Генпракуратура ацаніла шкоду БССР за час вайны
Справа аб генацыдзе: пад Гродна знайшлі 80 месцаў масавага знішчэння людзей
Масавае пахаванне беларускіх вязняў у Карэліі выявілі пошукавікі
Беларусь можа стаць адной з першых краін, дзе з'явіцца закон аб генацыдзе
Стужка навiн
0
Спачатку новыяСпачатку старыя
loader
У эфіры
Заголовок открываемого материала