Беларускі саюз журналістаў адрэагаваў на закрыццё "Комсомолки"

© Sputnik"Комсомольская правда в Беларуси"
Комсомольская правда в Беларуси - Sputnik Беларусь, 1920, 06.10.2021
У БСЖ заявілі, што гатовы аказаць садзейнічанне журналістам рэдакцыі "КП в Беларуси" ў пошуку працоўных месцаў па спецыяльнасці.
МІНСК, 6 кас – Sputnik. Беларускі саюз журналістаў з вялікім хваляваннем успрымае паведамленні аб закрыцці "Комсомольской правды в Беларуси", заявіў кіраўнік БСЖ Андрэй Крывашэеў.
"Закрыццё беларускага сродка масавай інфармацыі з устойлівай аўдыторыяй і пэўнай пазіцыяй на беларускім медыяландшафце ставіць пад сумненне раней гучаўшыя з маскоўскага холдынга заявы аб незалежнасці рэдакцыйнай палітыкі "КП у Беларуси", - кажа старшыня БСЖ.
Паводле яго слоў, у журналісцкай супольнасці Беларусі абмяркоўваецца, што эмацыянальнае рашэнне магло быць прынята з-за "некіруемай сітуацыі ўнутры беларускага калектыву аўтараў".
Крывашэеў задаецца пытаннем, ці можна было вырашыць унутраны канфлікт у рэдакцыі на падставе этычнага стандарту і кропкавымі кіраўнічымі рашэннямі?
У БСЖ не гатовы прымаць аргументы аб "сістэмнай стратнасці беларускага выдання", спасылаючыся на рэкамендацыі органаў улады ў РФ і Саюза журналістаў Расіі да заснавальнікаў - аказваць дадатковую дапамогу рэдакцыям, якія апынуліся ў складаным фінансавым становішчы.
У Беларускім саюзе журналістаў занепакоены рэлакацыяй супрацоўнікаў у галоўную рэдакцыю і іншыя карпункты выдавецкага дома "Комсомольская правда". На думку Андрэя Крывашэева, гэта можа "ўшчамляць працоўныя правы беларускіх журналістаў і паніжаць узровень іх сацыяльнай абароненасці".
БСЖ заявіў пра гатоўнасць аказаць садзейнічанне журналістам рэдакцыі "КП в Беларуси" ў пошуку працоўных месцаў па спецыяльнасці. Андрэй Крывашэеў заклікаў айчынныя СМІ звярнуць увагу на гэтае пытанне.
Пра рашэнне выдавецкага дома "Комсомольская правда" закрыць прадстаўніцтва ў Мінску стала вядома напярэдадні.
Нагадаем, што сайт kp.by быў заблакіраваны ў Беларусі 29 верасня. Па дадзеных галоўрэда Уладзіміра Сунгоркіна, падставай стаў артыкул Генадзя Мажэйкі пра Андрэя Зельцэра, які застрэліў супрацоўніка КДБ.
Журналіст, які мае беларускае грамадзянства, быў затрыманы позна вечарам 1 кастрычніка ў аэрапорце Мінска, калі вярнуўся з Масквы. Супрацоўнікі КДБ правялі затрыманне ў рамках крымінальнай справы за распальванне варожасці і абразу прадстаўніка ўлады.
Чытайце таксама:
"Комсомольская правда" закрывае рэдакцыю ў Мінску
Мінінфарм растлумачыў статус выдання "Комсомольская правда в Беларуси"
Крэмль: чакаем ад Мінска забеспячэння працы расійскіх СМІ ў Беларусі
Журналіста Мажэйку перавезлі з ізалятара на Акрэсціна ў Жодзіна
Журналіста беларускай "Комсомолки" Мажэйку заключылі пад варту
МУС Беларусі: Мажэйку ў базу "неўязных" раней унесла Расія
Следчыя КДБ правялі першы допыт журналіста "Комсомолки" Мажэйкі
Рэдакцыя "Комсомольской правды" наняла Мажэйку двух адвакатаў
Мінінфарм назваў прычыну блакіроўкі сайта kp.by
Стужка навiн
0
Спачатку новыяСпачатку старыя
loader
У эфіры
Заголовок открываемого материала