Польшча павялічыць колькасць вайскоўцаў на мяжы з Беларуссю да 10 тысяч - міністр
10:23 26.10.2021 (абноўлена: 14:12 26.10.2021)
© Sputnik
Падпісацца
У канцы мінулага тыдня стала вядома, што польскі бок вырашыў узмацніць свой кантынгент недалёка ад мяжы танкавым падраздзяленнем.
МІНСК, 25 кас – Sputnik. Урад Польшчы павялічыць колькасць вайскоўцаў, якія былі задзейнічаны ў ахове мяжы з Беларуссю, да 10 тысяч, пра гэта заявіў у панядзелак міністр абароны краіны Марыуш Блашчак.
"Мы павялічваем колькасць салдат, якія дапамагаюць пагранічнай ахове, на 2,5 тысячы. Ужо хутка надзейнасць мяжы будуць забяспечваць каля 10 тысяч салдат з 16-й, 18-й і 12-й дывізій", - напісаў Блашчак у Twitter.
Ён адзначыў, што добраахвотнікі са складу войск тэрытарыяльнай абароны задзейнічаны ў дапамозе мясцовым жыхарам.
У канцы мінулага тыдня Блашчак паведаміў, што ў раён Бяла-Падляскі, гэта прыкладна ў 50 кіламетрах ад Брэста, перадыслакуецца з захаду краіны падраздзяленне 10-й бранякавалерыйскай брыгады, на ўзбраенні якой знаходзяцца танкі Leopard.
Сітуацыя на мяжы
Улады Польшчы прымаюць цэлы шэраг заканадаўчых мер у дачыненні да бежанцаў. Законапраект аб легалізацыі выправаджэння мігрантаў ухвалены на мінулым тыдні польскім Сеймам і накіраваны ў верхнюю палату парламента.
Раней польскі парламент зацвердзіў законапраект аб будаўніцтве загароды з калючага дроту на мяжы з Беларуссю агульнай працягласцю ў 418 км па ўсёй мяжы, кошт такога плота папярэдне ацэньваецца ў 414 мільёнаў долараў.
У апошні час Літва, Латвія і Польшча заяўляюць пра рост колькасці затрыманых нелегальных мігрантаў на мяжы з Беларуссю. Раней Аляксандр Лукашэнка заяўляў, што Мінск больш не будзе стрымліваць паток нелегальных мігрантаў у краіны ЕС: з-за санкцый Захаду на гэта няма "ні грошаў, ні сіл".
22 кастрычніка 2021, 17:57
Чытайце таксама:
Цела нелегала-сірыйца знайшлі ў Польшчы недалёка ад беларускай мяжы
Польскія пагранічнікі распавялі аб дапамозе мігрантам
У Польшчы затрымалі ўкраінца, які перавозіў 27 іракцаў
"Польшча - дыктатар": супрацьстаянне бежанцаў і польскіх пагранічнікаў - відэа
Польшча хоча пабудаваць капітальны плот на мяжы з Беларуссю
ДПК паказаў відэа, дзе польскія ваенныя страляюць у паветра і б'юць бежанцаў
Сейм Польшчы ўхваліў падаўжэнне рэжыму надзвычайнага становішча на мяжы з Беларуссю
Людзі на балоце: як выжываюць "засеўшыя" на мяжы мігранты
