https://bel.sputnik.by/20211106/yak-vyglyadae-stary-zamak-u-grodne-paslya-rekanstruktsy--vdea-1057720531.html
Як выглядае Стары замак у Гродне пасля рэканструкцыі – відэа
Як выглядае Стары замак у Гродне пасля рэканструкцыі – відэа
Sputnik Беларусь
У старым замку ў Гродне, які змяніўся да непазнавальнасці пасля рэканструкцыі, адкрыліся новыя музейныя экспазіцыі. Першых наведвальнікаў музей прыняў увечары... 06.11.2021, Sputnik Беларусь
2021-11-06T15:28+0300
2021-11-06T15:28+0300
2021-11-06T15:33+0300
відэа
гродна
відэа
стары замак
музей
рэканструкцыя
https://cdnn11.img.sputnik.by/img/07e5/0b/06/1057716195_0:0:1920:1080_1920x0_80_0_0_586a834eb3b6314f148fdba89fa0dc4a.jpg
Музейныя экспазіцыі размясціліся ў пабудаваных з нуля падчас першай чаргі рэканструкцыі будынках – вежы, камяніцы, галерэі, якая злучае новыя і аўтэнтычныя часткі Старога замка. У іх размясціліся восем выставачных залаў, прысвечаных гісторыі Гродна, пачынаючы з XII стагоддзя і заканчваючы эпохай караля Стэфана Баторыя, па загаду якога ў Гродне быў пабудаваны замак, што стаў каралеўскай рэзідэнцыяй.Усе экспазіцыі рыхтаваліся практычна з нуля, большая частка экспанатаў дэманструецца ўпершыню, многія з іх – гэта цікавыя археалагічныя артэфакты, знойдзеныя падчас раскопак на замкавай гары ў Гродне. Гэта фрагменты драўлянага зруба хаты, тратуара, боцікаў XIV стагоддзя, шахматныя фігуры XII-XIV стагоддзя, зробленыя з рога, дрэва, косці, залаты пярсцёнак.Асобная зала прысвечана каралю Стэфану Баторыю, дзе наведвальнікі змогуць больш даведацца пра час, у якім ён жыў, з кім ваяваў, як стаў каралём. Яшчэ ў адной зале размясцілася копія сярэднявечнага друкарскага станка, на якім можна вырабіць гравюры так, як гэта рабілі ў старажытнасці. Музейныя работнікі будуць праводзіць майстар-класы. Кожную залу ўпрыгожваюць печы, створаныя па ўзоры XVI стагоддзя з рэплік кафлі, якія ў тыя часы выкарыстоўваліся ў Гродне.Выставачныя залы Старога замка сталі больш сучаснымі і інтэрактыўнымі. У некаторых, да прыкладу, можна ўбачыць не толькі старажытныя прадметы, але і фільмы, створаныя з дапамогай 3D-мапінгу. Больш інфармацыі аб экспанатах можна даведацца на інтэрактыўных вітрынах, а таксама на інфармацыйных экранах.Разам з музейнай экспазіцыяй на тэрыторыі Старога замка з'явілася і новая пляцоўка. З яе адкрываюцца віды на Нёман, Каложскую царкву, Новы замак. Наведванне агляднай пляцоўкі ўваходзіць у кошт уваходнага білета.Чытайце таксама:
гродна
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
гродна, відэа, стары замак, музей, рэканструкцыя, видео
гродна, відэа, стары замак, музей, рэканструкцыя, видео
Як выглядае Стары замак у Гродне пасля рэканструкцыі – відэа
15:28 06.11.2021 (абноўлена: 15:33 06.11.2021) У старым замку ў Гродне, які змяніўся да непазнавальнасці пасля рэканструкцыі, адкрыліся новыя музейныя экспазіцыі. Першых наведвальнікаў музей прыняў увечары ў пятніцу, 5 лістапада. Што можна ўбачыць падчас экскурсіі па новых залах, глядзіце на відэа.
Музейныя экспазіцыі размясціліся ў пабудаваных з нуля падчас першай чаргі рэканструкцыі будынках – вежы, камяніцы, галерэі, якая злучае новыя і аўтэнтычныя часткі Старога замка. У іх размясціліся восем выставачных залаў, прысвечаных гісторыі Гродна, пачынаючы з XII стагоддзя і заканчваючы эпохай караля Стэфана Баторыя, па загаду якога ў Гродне быў пабудаваны замак, што стаў каралеўскай рэзідэнцыяй.
Усе экспазіцыі рыхтаваліся практычна з нуля, большая частка экспанатаў дэманструецца ўпершыню, многія з іх – гэта цікавыя археалагічныя артэфакты, знойдзеныя падчас раскопак на замкавай гары ў Гродне. Гэта фрагменты драўлянага зруба хаты, тратуара, боцікаў XIV стагоддзя, шахматныя фігуры XII-XIV стагоддзя, зробленыя з рога, дрэва, косці, залаты пярсцёнак.
Асобная зала прысвечана каралю Стэфану Баторыю, дзе наведвальнікі змогуць больш даведацца пра час, у якім ён жыў, з кім ваяваў, як стаў каралём. Яшчэ ў адной зале размясцілася копія сярэднявечнага друкарскага станка, на якім можна вырабіць гравюры так, як гэта рабілі ў старажытнасці. Музейныя работнікі будуць праводзіць майстар-класы. Кожную залу ўпрыгожваюць печы, створаныя па ўзоры XVI стагоддзя з рэплік кафлі, якія ў тыя часы выкарыстоўваліся ў Гродне.
Выставачныя залы Старога замка сталі больш сучаснымі і інтэрактыўнымі. У некаторых, да прыкладу, можна ўбачыць не толькі старажытныя прадметы, але і фільмы, створаныя з дапамогай 3D-мапінгу. Больш інфармацыі аб экспанатах можна даведацца на інтэрактыўных вітрынах, а таксама на інфармацыйных экранах.
Разам з музейнай экспазіцыяй на тэрыторыі Старога замка з'явілася і новая пляцоўка. З яе адкрываюцца віды на Нёман, Каложскую царкву, Новы замак. Наведванне агляднай пляцоўкі ўваходзіць у кошт уваходнага білета.
Міністэрства культуры распавяло,
колькі грошаў выдзяляць на рэстаўрацыю замкаў
Палац Баторыя ў Гродне: чаго нам гэта будзе каштаваць?
"Дзень бляхара": на Старым замку ў Гродне
ўсталявалі купалЗамест руін - вежы і сцены:
як ідзе рэстаўрацыя Старога замка ў Гродне
