Беларускі самалёт даставіць з Кітая 2,6 мільёна доз вакцыны

© AFP 2021 / TCHANDROU NITANGAВакцына Sinopharm
Вакцына Sinopharm  - Sputnik Беларусь, 1920, 08.11.2021
Падпісацца на
Узлятаць паветранае судна будзе з Мачулішчаў, агульны час у дарозе - звыш дзевяці гадзін, назад самалёт адправіцца праз Новасібірск з дазапраўкай.
МІНСК, 8 ліс – Sputnik. Беларускі самалёт паляціць за вакцынай і медгрузам у Кітай 9 лістапада, паведаміў у эфіры тэлеканала СТБ камандзір 50-й змешанай авіябазы ВПС і войскаў СПА ВС РБ Андрэй Лук'яновіч.
"Запланаваны рэйс за чарговай партыяй вакцыны ў колькасці 2 мільёнаў 600 тысяч доз і 1 мільён 1 100 шпрыцаў. 28 тон грузу будзе прывезена з Кітайскай Народнай Рэспублікі", - сказаў Лук'яновіч.
Раней Міністэрства аховы здароўя расказала аб тэмпах вакцынацыі ў Беларусі. Па апошніх дадзеных, першую дозу вакцыны атрымалі больш за 3,022 мільёна чалавек, у тым ліку больш за 2,332 мільёна прайшлі поўны курс вакцынацыі.
На мінулым тыдні кіраўнік дзяржавы распарадзіўся выдзеліць дадатковыя сродкі на барацьбу з каронавірусам з прэзідэнцкага фонду - 140 млн беларускіх рублёў (каля 57,2 млн долараў). Грошы Міністэрства аховы здароўя накіруе на закупку вакцын ад каронавіруса, а таксама супрацьпухлінных, супрацьсухотных, сардэчных і іншых лекавых прэпаратаў.
Паводле звестак Міністэрства аховы здароўя, у бліжэйшы час Беларусь можа атрымаць 1,75 млн доз вакцын ад COVID-19 - будзе закуплена каля мільёна доз вакцыны замежнай вытворчасці і 250 тысяч доз расійскай, яшчэ паўмільёна доз паступіць па бязвыплатнай дапамозе.
У планах уладаў - забяспечыць вакцынай ад каронавіруса не менш за 60% насельніцтва Беларусі.
Чытайце таксама:
Беларуская вакцына стане аналагам кітайскага Vero Cell – распрацоўшчыкі
Завод па вытворчасці вакцыны пабудуюць у Беларусі: колькі гэта будзе каштаваць
Беларусь можа атрымаць 1,75 млн доз вакцын ад COVID-19 у бліжэйшы час
Стужка навiн
0
Спачатку новыяСпачатку старыя
loader
У эфіры
Заголовок открываемого материала