Дзяржкантроль расказаў аб праблемах у ЖКГ і цэнаўтварэнні

© Sputnik / Виталий Аньков / Перайсці ў фотабанкАднаўленне ацяпляльнай сістэмы ў пад'ездзе
Аднаўленне ацяпляльнай сістэмы ў пад'ездзе - Sputnik Беларусь, 1920, 11.11.2021
Падпісацца на
Тэмы праблем капітальнага рамонту дамоў і неабгрунтаванага павышэння цэн узнімаліся ў мультымедыйным прэс-цэнтры Sputnik Беларусь.
МІНСК, 11 ліс – Sputnik. Большасць скарг у сістэме ЖКГ паступае на зацягнутыя тэрміны і няякасны капрамонт жылых дамоў, паведаміла намеснік начальніка галоўнага ўпраўлення кантролю па г. Мінску - начальнік упраўлення кантролю будаўніцтва і ЖКГ Камітэта дзяржаўнага кантролю Рэспублікі Беларусь Вера Мацулевіч.
Спецыяліст расказала, што інтэрнэт-апытанні і "гарачыя лініі", якія праводзяцца, а таксама маніторынг зваротаў грамадзян з'яўляюцца дадатковай крыніцай інфармацыі, якая дазваляе высветліць рэальны стан спраў у жыллёва-камунальнай гаспадарцы.
Большасць нараканняў паступае наконт зацягвання тэрмінаў рамонту і няякасна выкананай работы.
Вера Мацулевіч прывяла ў прыклад выпадак, калі падчас абследавання дома высветлілася, што не працуе сістэма ацяплення і заказчык "забыўся" аб абяцаннях выправіць сітуацыю падчас рамонту. Умяшанне КДК дапамагло вырашыць пытанне, больш за тое, пасля праверкі аказалася, што неабходна было таксама ўцяпліць сцены.
Па словах прадстаўніка КДК, праблемы могуць пачынацца яшчэ на стадыі праектавання і экспертызы праектнай дакументацыі. У прыватнасці, абследаванне не было абавязковай умовай пры экспертызе. Дзяржкантроль прапанаваў папраўкі ў заканадаўства, і зараз да ацэнкі будынкаў адносяцца больш добрасумленна.
Прамоўца растлумачыла, што па зваротах грамадзян Дзяржкантроль накіроўвае адпаведныя лісты ў Мінгарвыканкам і адказныя службы, а калі сітуацыя не мяняецца, то інспектары падключаюць падраздзяленні ЖКГ, самі выязджаюць на месца, сустракаюцца з людзьмі і дабіваюцца ўстаранення недахопаў.
Спецыяліст адзначыла, што два гады таму ведамства сутыкнулася з валам зваротаў наконт капрамонту дамоў. Тады правялі інтэрнэт-апытанне, і задаволеных капрамонтам фактычна не было. Таксама людзі былі незадаволены рэакцыяй мясцовых улад на іх скаргі. Праз два гады, гавораць інспектары, колькасць нараканняў стала значна меншай.
Што да зваротаў у кантакт-цэнтр 115, паводле слоў прадстаўніка КДК, Мінгарвыканкам увёў практыку справаздач па заяўках: ацэньваецца колькасць тых, што паступілі, рэалізаваны і застаюцца ў працэсе, прымаюцца неабходныя меры.
Спецыялісты канстатуюць, што колькасць зваротаў на нумар 115 за 9 месяцаў 2021 года застаецца на ўзроўні аналагічнага леташняга перыяду. Пры гэтым назіраецца рост запытаў на партал 115.бел.
Вера Мацулевіч звярнула ўвагу, што Дзяржкантроль зноў ініцыяваў інтэрнет-апытанне і праверку для аналізу бягучай сітуацыі. У прыватнасці, паступаюць скаргі на працяглае адключэнне газу з-за капрамонту, які можа зацягвацца, а таксама на наяўнасць сырасці ў кватэрах і рознага роду дэфектаў.

Як спыніць рост цэн?

Начальнік упраўлення кантролю спажывецкага рынку, сферы паслуг і за абаротам падакцызных тавараў Камітэта дзяржкантролю Алена Масурноўская адзначыла рост цэн у вытворцаў прамысловай і сельскагаспадарчай прадукцыі.
Яна расказала, што інспектары просяць шукаць магчымасці для зніжэння сабекошту агародніны, што адпаведна, адаб'ецца і на адпускных цэнах для магазінаў.
Таксама, паводле слоў эксперта, на сітуацыю ўнутры краіны ўплывае рост сусветных цэн, у прыватнасці, на алей яны падскочылі на 40%.
Асобна выступоўца спынілася на спробах вытворцаў абыходзіць правілы, што ўстанаўліваюцца дзяржавай, у прыватнасці, пастанова Саўміна, якая абмяжоўвае павышэнне цэн больш чым на 0,2% на шэраг катэгорый тавараў.
Напрыклад, вытворцы малака змяншаюць працэнт тлустасці ці аб'ём упакоўкі, а да тушкак бройлера дадаюць маркіроўку "халяль". Такім чынам, паводле ацэнак Алены Масурноўскай, вытворцы фармальна пачынаюць з павялічаным цэннікам выпускаць новую прадукцыю, якой няма ў абмежавальным пераліку, зацверджаным урадам.
Што тычыцца крам, то, як правіла, не выконваюць заканадаўства суб'екты малога бізнесу.

"Парушэнне дысцыпліны цэн не выконваюць каля 25% падвергнутых праверкам гандлёвых аб'ектаў, і галоўнае парушэнне – невыкананне гранічна дапушчальных гандлёвых надбавак", - заявіла прадстаўнік КДК.

Так, за студзень-кастрычнік спецыялісты праверылі 2 138 гандлёвых аб'ектаў, пытанні былі да 513, і сярод недахопаў аказаліся не толькі маніпуляцыі з надбаўкамі, але і парушэнні правіл гандлю, незахаванне асартыментных пералікаў.
Інспектары накіравалі каля тысячы рэкамендацый аб устараненні недахопаў. Па словах Алены Масурноўскай, выпадкаў, каб іх не выконвалі, практычна не было, у адваротным выпадку ведамства можа праводзіць пазапланавыя праверкі і справа дойдзе да штрафаў.

Дапамога прафсаюзаў

Начальнік галоўнага ўпраўлення сацыяльнага партнёрства і працоўных адносін Федэрацыі прафсаюзаў Дзмітрый Шэўчук распавёў, што грамадскае аб'яднанне таксама маніторыць цэны і ўжо дастаткова даўно - з 2017 года. Такая функцыя была замацавана генеральным пагадненнем паміж урадам, прафсаюзамі і наймальнікамі. Мяркуецца, што ацэнка сітуацыі з цэнамі і даступнасцю тавараў і паслуг суадносіцца з ростам заработнай платы.

"Маніторынг носіць штомесячны характар. Мы аналізуем, у першую чаргу, прадукты харчавання, лекі, тарыфы. У гэтай галіне інфляцыя носіць прагназуемы характар, таму акцэнтуем увагу на ўзаемадзеянні з суб'ектамі гаспадарання, каб як спажыўцы, такія паўнамоцтвы па законе аб прафсаюзах у нас ёсць, мы маглі прыйсці ў краму і ўбачыць, якія тавары рэальна ёсць на паліцах, прааналізаваць сітуацыю і зрабіць высновы", - растлумачыў Дзмітрый Шэўчук.

Ён асабліва падкрэсліў, што прафсаюзы не з'яўляюцца рэгулюючым органам, але грамадская арганізацыя валодае разгалінаванай сеткай прафсаюзных актывістаў, якія могуць у кожным раёне "ахапіць" каля трохсот магазінаў.
Пры ўзнікненні пытанняў актывісты могуць звярнуцца да кіраўніцтва магазіна, каб даведацца пра прычыны павышэння цэн або адсутнасці нейкіх тавараў, а пасля праінфармаваць Камітэт дзяржкантролю або Міністэрства антыманапольнага рэгулявання і гандлю.
Рэканструкцыя жылых будынкаў - Sputnik Беларусь, 1920, 02.03.2021
Прэм'ер раскрытыкаваў працу МінЖКГ, Мінгарвыканкама і Мінбудархітэктуры
Чытайце таксама:
Генпракуратура распавяла аб карупцыі ў сістэме ЖКГ
Міністр ЖКГ распавёў, як насельніцтва аплачвае камунальныя паслугі
Новыя нормы падагрэву вады ў жылых дамах зацверджаны ў Мінску
Дзяржкантроль праверыў цэны ў крамах і знайшоў шмат парушэнняў
Былі б грошы ў кішэні: Лукашэнка запатрабаваў не дапусціць рост коштаў
Стужка навiн
0
Спачатку новыяСпачатку старыя
loader