https://bel.sputnik.by/20211129/pamr-narodny-artyst-sssr-rezhysr-uladzmr-navuma-1058331035.html

Памёр народны артыст СССР рэжысёр Уладзімір Навумаў

Памёр народны артыст СССР рэжысёр Уладзімір Навумаў

Sputnik Беларусь

Рэжысёру фільмаў "Тэгеран-43", "Бег", "Дзесяць гадоў без права перапіскі" і іншых было 93 гады. 29.11.2021, Sputnik Беларусь

2021-11-29T15:22+0300

2021-11-29T15:22+0300

2021-11-29T15:22+0300

расія

артыст

рэжысёр

ссср

фільм

уладзімір навумаў

https://cdnn11.img.sputnik.by/img/07e5/0b/1d/1058329330_0:78:2997:1763_1920x0_80_0_0_944b6b2f54be8cf6ef0077455710eee1.jpg

МІНСК, 29 ліс – Sputnik. Народны артыст СССР рэжысёр Уладзімір Навумаў памёр на 94-м годзе жыцця, паведамілі ў Саюзе кінематаграфістаў РФ.Уладзімір Навумаў нарадзіўся 6 снежня 1927 года ў Ленінградзе (цяпер Санкт-Пецярбург), яго бацька – кінааператар Навум Саламонавіч Навумаў-Страж, маці - актрыса Камернага тэатра Агнія Васільеўна Бурмістрава.Выпускнік рэжысёрскага факультэта Усесаюзнага дзяржаўнага інстытута кінематаграфіі, ён яшчэ студэнтам асісціраваў Ігару Саўчанку на здымках фільма "Трэці ўдар" (1948), у гэтай жа карціне ўпершыню выступіў як кінаакцёр.Пасля смерці Саўчанкі разам з рэжысёрам Аляксандрам Алавым завяршыў яго карціну "Тарас Шаўчэнка". Гэтая праца паклала пачатак вельмі плённаму супрацоўніцтву двух рэжысёраў – у ліку іх сумесных прац такія стужкі, як "Бег" па матывах твораў Міхаіла Булгакава (1970), "Легенда аб Ціле" па матывах рамана Шарля Дэ Кастэра "Легенда аб Уленшпігеле" (1976) , "Тэгеран-43" (1980, СССР - Швейцарыя - Францыя), "Бераг" па рамане Юрыя Бондарава (1983, СССР - ФРГ).Таксама ў фільмаграфіі Навумава-рэжысёра карціны "Выбар", "Закон", "Дзесяць гадоў без права перапіскі", "Белае свята", "Гадзіннік без стрэлак", "Джаконда на асфальце".Акрамя таго, ён зняўся ў трагікамедыі Аляксандра Міты "Гары, гары мая зорка", у тэлефільме Аляксандра Гордана "Крадзеж" і іншых фільмах.Удастоены званняў "Заслужаны дзеяч мастацтваў РСФСР" (1965), "Народны артыст СССР" (1983). Узнагароджаны ордэнамі "Знак Пашаны" (1971), Працоўнага Чырвонага Сцяга (1977), Дружбы народаў (1987), "За заслугі перад Айчынай" II, III і IV ступеней (2007, 2018, 1997), Пашаны (2013). Лаўрэат мноства прэмій.Чытайце таксама:

https://bel.sputnik.by/20211127/pamr-belarusk-paet-mkola-myatltsk-1058296734.html

расія

2021

Навіны

ru_BY

расія, артыст, рэжысёр, ссср, фільм, уладзімір навумаў