АДКБ заклікала ядзерныя дзяржавы размяшчаць зброю толькі на сваёй тэрыторыі

© Sputnik / И. БаскаковРакета перад запускам
Ракета перад запускам - Sputnik Беларусь, 1920, 01.12.2021
Падпісацца
Асаблівую занепакоенасць у краін, якія ўваходзяць у дадзеную арганізацыю, выклікае спыненне дзеяння Дагавора аб ліквідацыі ракет сярэдняй і меншай далёкасці.
МІНСК, 1 сне– Sputnik. Арганізацыя Дагавора аб калектыўнай бяспецы АДКБ заклікае ядзерныя дзяржавы абмежавацца размяшчэннем гэтага віду зброі толькі на ўласнай тэрыторыі, гаворыцца ў паведамленні прэс-службы АДКБ.
Раней беларускі прэзідэнт Аляксандр Лукашэнка ў інтэрв'ю заявіў, што гатовы прапанаваць прэзідэнту РФ Уладзіміру Пуціну вярнуць на тэрыторыю Беларусі ядзерную зброю. Такі крок можа стаць мерай у адказ у выпадку размяшчэння зброі масавага паражэння ў суседняй Польшчы.

Ядзерныя дзяржавы ў адказе

"Дзяржавы - члены АДКБ настойліва заклікаюць дзяржавы - удзельніц Дагавора аб нераспаўсюджванні ядзернай зброі, якія валодаюць ядзернай зброяй, абмежавацца яе дыслакацыяй на сваіх тэрыторыях без яе размяшчэння за мяжой", - гаворыцца ў заяве АДКБ.
Пры гэтым у тэксце змяшчаецца прапанова ліквідаваць і ўсю спадарожную інфраструктуру, якая дазваляе хутка разгортваць зброю масавага паражэння на тэрыторыі краін, якія не маюць статусу ядзернай дзяржавы.
Акрамя таго, неабходна ўстрымацца ад правядзення вучэнняў, якія маюць на ўвазе адпрацоўку навыкаў выкарыстання ядзернай зброі з тымі краінамі, якія не маюць яе на ўзбраенні.

Сістэма ПРА і ракеты

У АДКБ таксама адзначылі негатыўнае развіццё сітуацыі ў сферы супрацьракетнай абароны, таму што нарошчванне сістэмы ПРА ў аднабаковым парадку ў розных кутках свету неспрыяльна адаб'ецца на міжнароднай сістэме бяспекі.
Такія дзеянні могуць падарваць падмурак для выпрацоўвання і прымянення шматбаковых палітычных і дыпламатычных метадаў процідзеяння распаўсюджванню ракет і ракетных тэхналогій.
"Дзяржавы - члены АДКБ выступаюць супраць такіх крокаў і лічаць недапушчальнымі спробы гарантаваць сваю бяспеку за кошт бяспекі іншых", - падкрэсліваецца ў паведамленні прэс-службы.
Асобнае шкадаванне выказана ў сувязі са спыненнем дзеяння Дагавора аб ліквідацыі ракет сярэдняй і меншай далёкасці, які быў падпісаны ў 1987 годзе. Дадзенае пагадненне на працягу больш за тры дзясяткі гадоў ляжала ў аснове сістэмы кантролю над узбраеннямі, таму пасля яго дэнансацыі ўзнікаюць дадатковыя рызыкі гонкі ўзбраенняў і ўзрастання ракетных пагроз.
Бяз'ядзерная Беларусь: 25 гадоў таму з краіны вывезлі ракеты Тополь – відэа - Sputnik Беларусь, 1920, 29.11.2021
Відэа
Бяз'ядзерная Беларусь: 25 гадоў таму з краіны вывезлі ракеты "Тополь" – відэа
Чытайце таксама:
Лукашэнка: Беларусь гатова размясціць у сябе ядзерную зброю
Лукашэнка: усе войны пачыналіся з Беларусі
Ключавыя тэзісы Уладзіміра Пуціна пра Беларусь, санкцыі і зброю
Стужка навiн
0