Чацвёртая хваля адступае? Міністэрства аховы здароўя абнавіла статыстыку па каронавірусе

© Sputnik / Денис Абрамов / Перайсці ў фотабанкЛячэнне хворых на COVID-19
Лячэнне хворых на COVID-19 - Sputnik Беларусь, 1920, 20.12.2021
Падпісацца на
Сітуацыя з захворваннем на каронавірус пад кантролем, заявілі ў Міністэрстве аховы здароўя рэспублікі.
МІНСК, 20 сне – Sputnik. Ад пачатку пандэміі ў Беларусі зарэгістравана 685 462 выпадкі каронавіруснай інфекцыі, перадае прэс-служба міністэрства аховы здароўя.
За гэты час акрыялі 677 045 пацыентаў, за суткі з бальніц выпісаліся 657 чалавек.
За мінулыя суткі ў краіне ўдалося выявіць яшчэ 834 чалавекі, у якіх пацвердзіўся дыягназ COVID-19, памерлі – 14 пацыентаў. Такім чынам, па дадзеных Міністэрства аховы здароўя, пандэмія забрала жыцці 5 399 чалавек.
Усяго ў краіне праведзена больш за 10,836 млн тэстаў, за суткі выканалі амаль 15 тысяч ПЦР-даследаванняў.

Звыклы рэжым працы

Бальніцы Беларусі паступова вяртаюцца ў звыклы рэжым працы, паведамілі ў Міністэрстве аховы здароўя. Там удакладняюць, што пандэмія COVID-19 адступае, таму ідзе аднаўленне аказання планавай дапамогі.
У звыклы рэжым вяртаюцца медустановы ў Мінску, а таксама ў Брэсцкай, Віцебскай, Гомельскай, Гродзенскай, Мінскай, Магілёўскай абласцях. Там ідзе планавая дэзапрацоўка.
У Міністэрстве аховы здароўя нагадалі, што каронавірусная інфекцыя адносіцца да вострых рэспіраторных вірусных інфекцый (ВРВІ). Адзіным дзейсным метадам папярэджвання захворвання і яго цяжкага цячэння з'яўляецца вакцынацыя. У Беларусі зрабіць прышчэпку можна практычна ва ўсіх паліклініках краіны, бальніцах, гандлёвых цэнтрах і ў пунктах вакцынацыі на некаторых станцыях метро.

Вакцынацыя ад каронавіруса

На днях у Беларусі з'явілася яшчэ адна вакцына ад каранавіруса – расійскі "КовиВак". Дазвол на прымяненне выдадзены Міністэрствам аховы здароўя, 300 тысяч доз паступілі напярэдадні, а ў некаторых паліклініках ужо пачалася вакцынацыя.
Цяпер, акрамя "КовиВак", беларусы могуць паставіць сабе прышчэпку расійскімі "Спутник V" і "Спутник Лайт", а таксама кітайскім Vero Cell ("Сінафарм").
Вакцына супраць каронавіруснай інфекцыі КовиВак - Sputnik Беларусь, 1920, 16.12.2021
Міністэрства аховы здароўя Беларусі выдала дазвол на ўвоз і прымяненне вакцыны "КовиВак"
Чытайце таксама:
Стала вядома, колькі Беларусь заплаціла Расіі за вакцыны ад COVID-19
У Расіі нагадалі аб змене правіл уезду: што новага для беларусаў?
Больш за 40% беларусаў ужо прышчапіліся ад каронавіруса
Новае абсталяванне для будучай беларускай вакцыны: як ідуць распрацоўкі
Міністэрства аховы здароўя: усе вобласці паступова выводзяцца з "кавіднага рэжыму"
Стужка навiн
0
Спачатку новыяСпачатку старыя
loader
У эфіры
Заголовок открываемого материала