https://bel.sputnik.by/20211220/za-zachynenym-dzvyaryma-u-mnsku-pachal-sudzts-rasyanna-dudnkava-1058839815.html

За зачыненымі дзвярыма: у Мінску пачалі судзіць расіяніна Дуднікава

За зачыненымі дзвярыма: у Мінску пачалі судзіць расіяніна Дуднікава

Sputnik Беларусь

Абвінавачанаму пагражае да дванаццаці гадоў пазбаўлення волі, яго судзяць па двух артыкулах Крымінальнага кодэкса Беларусі. 20.12.2021, Sputnik Беларусь

2021-12-20T11:19+0300

2021-12-20T11:19+0300

2021-12-20T12:17+0300

беларусь

мінск

суд

здарэнні

кодэкс

крымінальны кодэкс

абвінавачанне

https://cdnn11.img.sputnik.by/img/07e5/0c/14/1058839183_0:0:1280:721_1920x0_80_0_0_1399c44d9e07bf9216484472f5ad2cc6.jpg

МІНСК, 20 сне – Sputnik. Мінскі гарадскі суд пачаў разгляд крымінальнай справы ў дачыненні да 21-гадовага расіяніна Ягора Дуднікава, перадае карэспандэнт Sputnik у панядзелак.Суд над Дуднікавым зрабілі закрытым, на гэтым настойвала пракурор. Сам абвінавачаны і яго абаронца не падтрымалі пазіцыю дзяржаўнага абвінаваўцы.Перад пачаткам судовага следства суддзя ўдакладніў звесткі аб асобе абвінавачанага. Дуднікаў паведаміў суду, што ён 2000 года нараджэння, нарадзіўся ў Саратаве, грамадзянін Расіі, у яго сярэдняя спецыяльная адукацыя, халасты. Перад затрыманнем у Мінску працаваў у рэстаране "Васількі".Ён і яго адвакат заявілі, што давяраюць суду і на момант пачатку судовага следства ў іх не было хадайніцтваў.Хадайніцтва заявіла дзяржаўны абвінаваўца. Яна папрасіла разглядаць крымінальную справу ў закрытым судовым пасяджэнні. Пракурор сваё хадайніцтва патлумачыла тым, што справа Дуднікава выдзелена ў асобную вытворчасць з іншай крымінальнай справы, па якой яшчэ ідзе следства і праходзяць шэраг абвінавачаных. У адносінах да фігурантаў гэтай справы прыменены меры дадатковай абароны. Пракурор адзначыла, што ў мэтах невыдавання таямніцы следства просіць зрабіць суд закрытым.Параіўшыся на месцы, суд задаволіў хадайніцтва. Рашэнне суда будзе абвешчана ў адкрытым фармаце.Справа ДуднікаваКрымінальную справу на расіяніна расследаваў Следчы камітэт. Згодна з матэрыяламі справы, Дуднікаў са студзеня па травень 2021 года ў адным з Telegram-чатаў "з мэтай нагнятання напружанасці і канфліктнасці ў грамадстве і дзяржаве размясціў не менш як 55 агучаных ім галасавых паведамленняў пабуджальнага характару".Інфармацыя аб тым, што малады расіянін, які "агучваў мультфільмы", затрыманы, з'явілася ў траўні ў шэрагу СМІ і Telegram-каналаў. Пазней яе пацвердзілі адвакат Дуднікава Антон Гашынскі і расійскае пасольства ў Мінску. Таксама пра справу Дуднікава выказваўся і кіраўнік дзяржавы, які агучыў інфармацыю, што расіянін быў мадэратарам чата "Атрады самаабароны Беларусі".На стадыі следства справа была выдзелена ў асобную вытворчасць. Канчаткова расіяніну прад'яўлена абвінавачанне ў распальванні сацыяльнай варожасці і звады па прыкмеце сацыяльнай прыналежнасці, якое прывяло да іншых цяжкіх наступстваў, і аб закліках да дзеянняў, накіраваных на прычыненне шкоды нацыянальнай бяспецы Беларусі.Таксама паведамлялася, што на стадыі папярэдняга расследавання Дуднікаў прызнаў сваю віну. Па адным з артыкулаў яму пагражае да 12 гадоў пазбаўлення волі, па другому - да 7 гадоў. Інфармацыя аб тым, што Дуднікаў заключыў пагадненні са следствам, не агучвалася.На першапачатковым этапе Дуднікава некалькі месяцаў бараніў адвакат Гашынскі. У пачатку восені 2021 года Мінюст Беларусі спыніў дзеянне яго адвакацкай ліцэнзіі з-за сістэматычных парушэнняў існуючага заканадаўства, пасля чаго Дуднікаву змянілі адваката.Абвінавачаны спачатку знаходзіўся ў СІЗА КДБ, потым яго перавялі на "валадарку". З моманту затрымання знаходзіцца пад вартай.Чытайце таксама:

https://bel.sputnik.by/20211219/lutsk-prezdent-daruchy-atsants-dzeyann-a1--prynyats-samyya-tsvrdyya-mery-1058827837.html

беларусь

мінск

2021

Навіны

ru_BY

беларусь, мінск, суд, здарэнні, кодэкс, крымінальны кодэкс, абвінавачанне