Лукашэнка павіншаваў беларускіх каталікоў з Раством Хрыстовым

© Sputnik / Виктор ДрачевРаство ў Чырвоным касцёле
Раство ў Чырвоным касцёле - Sputnik Беларусь, 1920, 25.12.2021
Падпісацца на
Раство 25 снежня адзначаюць каля паўтара мільёна беларусаў – не толькі каталікі, але таксама пратэстанты, баптысты і прадстаўнікі шэрага іншых канфесій.
МІНСК, 25 сне – Sputnik. Прэзідэнт Беларусі Аляксандр Лукашэнка павіншаваў з Раством Хрыстовым тых беларусаў, якія адзначаюць светлае свята 25 снежня, паведамілі ў прэс-службе беларускага лідара.
У гэты дзень Раство святкуюць не толькі каталікі, але таксама пратэстанты, лютэране, баптысты і прадстаўнікі шэрага іншых канфесій. Святкаванне праваслаўнага Раства, нагадаем, прыпадае на 7 студзеня.
"З года ў год у гэтыя хвалюючыя і радасныя дні нашы сэрцы і душы перапаўняе чаканне цудоўнага, светлага і велічнага свята, якое накіроўвае да хрысціянскіх ідэалаў мільёны вернікаў, натхняе іх на добрыя справы", – гаворыцца ў віншаванні Лукашэнкі.
Як адзначыў беларускі лідар, ва ўсе часы галоўнай жыццёвай каштоўнасцю была і застаецца сям'я, дзе кожны клапоціцца адзін пра аднаго, дзяцей вучаць радавацца, тварыць, любіць бацькоў, бацькоўскі дом і Радзіму.
"Няхай у гэтыя калядныя дні ўсе беларусы адчуюць сябе той моцнай і адзінай сям'ёй, якая падтрымае, абароніць і дасць параду, будзе побач у горы і радасці. Няхай у дамах заўсёды пануюць мір і згода, а вера, надзея і любоў ніколі не пакідаюць вашыя сэрцы", - сказана ў віншаванні прэзідэнта.
Лукашэнка пажадаў суграмадзянам здароўя, дабрабыту і поспехаў у добрых пачынаннях.
Каталіцкая канфесія – другая па колькасці ў Беларусі, каталікоў у краіне – каля 10% насельніцтва, у той час як праваслаўных традыцый прытрымліваецца каля 81% грамадзян краіны.
Унікальную механічную батлейку сабралі на Раство ў Гродна - Sputnik Беларусь, 1920, 25.12.2019
Унікальную механічную батлейку сабралі на Раство ў Гродна
Таксама на Sputnik:
Каталікі адзначаюць Куццю – пярэдадне Раства Хрыстова
"Божае вогнішча", або Святкуем смачна на вігілійную вячэру
Першае Раство Байдэнаў у Белым доме: як Джыл упрыгожыла рэзідэнцыю (фота)
Стужка навiн
0
Спачатку новыяСпачатку старыя
loader
У эфіры
Заголовок открываемого материала