Лаўроў назваў "палітычнай камасутрай" новыя падыходы ЕС у адносінах да РФ

© Пресс-служба МИД РФ / Перайсці ў фотабанкМіністр замежных спраў РФ Сяргей Лаўроў
Міністр замежных спраў РФ Сяргей Лаўроў - Sputnik Беларусь, 1920, 27.12.2021
Падпісацца на
Яшчэ летам Еўракамісія і кіраўнік еўрадыпламатыі Жазэп Барэль заявілі аб новай стратэгіі ў дачыненні да Расіі, якая складаецца з трох прынцыпаў: дыстанцыяванне, ціск і дыялог па пытаннях, якія цікавяць ЕС.
МІНСК, 27 сне – Sputnik. Новы падыход Еўрасаюза да Расіі – гэта "палітычная камасутра", заявіў кіраўнік МЗС РФ Сяргей Лаўроў.
Дыпламат нагадаў аб пяці прынцыпах адносна Расіі, агучаных былым вярхоўным прадстаўніком ЕС па замежных справах і палітыцы бяспекі Федэрыкай Магерыні. Ключавым называлася пытанне нармалізацыі адносін Бруселя і Масквы пры выкананні Расіяй мінскіх пагадненняў па Данбасе.
"Але любы, хто чытаў мінскія дамоўленасці, зразумее, што гэта палітычная шызафрэнія. Спадарыня Магерыні сышла, у яе скончыўся тэрмін, і прызначаны быў спадар Барэль", - сказаў Лаўроў у інтэрв'ю YouTube-каналу "Соловьев LIVE".
Лаўроў прызнаўся, што даўно ведае Барэля, які прыязджаў і заяўляў аб новай канструктыўнай палітыцы ва ўзаемадзеянні з Расіяй.
"Былі на яго нападкі наймацнейшыя пасля яго візіту ў Маскву толькі таму, што мы растлумачылі, што мы думаем пра (Аляксея) Навальнага і ўсё астатняе, і пра ролю Германіі, і ў цэлым Еўропы ў раздзіманні гэтай хлусні і ў няздольнасці нейкія факты прад'явіць і адказаць на элементарныя пытанні, у тым ліку якія задала апазіцыя ў нямецкім парламенце", - сказаў міністр.
Па словах дыпламата, калі Жазэп Барэль скончыў падрыхтоўку сваёй новай ініцыятывы, Еўрасавет усё роўна вырашыў пакінуць пяць прынцыпаў Магерыні. "І ўрачыста абвясцілі новы падыход: адпіхваць, стрымліваць і далучаць", - сказаў Лаўроў і дадаў: "Я вось проста ўявіў сабе харэаграфію ўсяго гэтага. Ну гэта, прабачце, палітычная камасутра".

РФ не будзе разбураць Мінскія пагадненні

Ён таксама адзначыў, што Расія не адмаўляецца ад нармандскага фармату, гатова працягваць супрацоўнічаць, калі яе партнёры "перастануць валяць дурня" і прымусяць Кіеў выконваць дамоўленасці, у тым ліку ўзгодненыя на саміце ў Парыжы ў 2015 годзе. "Можа быць, мы спачатку выканаем, а потым сустракацца будзем? Таму што інакш рашэнні парыжскага саміту і ўвогуле сустрэча лідараў будуць абясцэньвацца", - лічыць кіраўнік МЗС РФ.
Таксама Лаўроў звярнуў увагу, што Расія пагадзілася з "формулай Штайнмаера", якая прадугледжвала, што асаблівы статус ЛНР і ДНР набудзе моц у дзень выбараў на Украіне і запрацуе з моманту адабрэння выбарчай кампаніі назіральнікамі.

"Была спрэчка, Пётр Парашэнка (былы прэзідэнт Украіны – Sputnik) не хацеў падпісвацца пад асаблівым статусам [Данбаса], пакуль там не адбудуцца выбары, цынічна заяўляючы: "Таму што, калі выберуць кагосьці не таго, навошта я яму дам асаблівы статус". Паказчык, як чалавек ставіцца да свайго подпісу пад Мінскімі дамоўленасцямі", - нагадаў Лаўроў.

Нявырашаны канфлікт

Узаемаадносіны Расіі з Кіевам і Захадам абвастрыліся пасля дзяржперавароту на Украіне ў лютым 2014 года. Самаабвешчаныя ЛНР і ДНР аб'явілі аб незалежнасці, і ўкраінскія ўлады пачалі супраць іх ваенную аперацыю. Кіеў і краіны Захаду абвінавачвалі Расію ва ўмяшанні ва ўнутраныя справы суседняй краіны.
У Маскве ўсе абвінавачанні адхілілі, заяўляючы аб нежаданні Украіны выконваць мінскія дамовы і наўмысным зацягванні працэсу. Крэмль таксама выказваў занепакоенасць перакідкай тэхнікі краін НАТА да меж Расіі і ростам колькасці заходніх інструктараў у рэгіёне.
Вырашыць канфлікт у рэгіёне заклікана мінская кантактная група. З 2014 года яе ўдзельнікі зацвердзілі ўжо тры дакументы, якія рэгламентуюць дзеянні па дээскалацыі канфлікту. Але нават пасля пагадненняў аб перамір'і перастрэлкі працягваюцца.
Прэс-сакратар прэзідэнта Расіі Дзмітрый Пяскоў - Sputnik Беларусь, 1920, 26.12.2021
Крэмль гатоў абмяркоўваць з Зяленскім двухбаковыя адносіны – Пяскоў
Таксама на Sputnik:
Пуцін выказаў меркаванне, што Кіеў рыхтуе ваенную аперацыю ў Данбасе
Кіеў рыхтуецца да сілавога вырашэння канфлікту ў Данбасе – МЗС РФ
Патрэбен дыялог: Папа Рымскі ў пасланні вернікам нагадаў пра Украіну
"Усё залежыць ад Кіева": Васерман зрабіў прагноз для Расіі, Украіны і Данбаса
"Гэта каля парога нашага дома!": Пуцін аб дзеяннях ЗША на Украіне – відэа
Стужка навiн
0
Спачатку новыяСпачатку старыя
loader
У эфіры
Заголовок открываемого материала