Такаеў назваў падзеі ў Казахстане спробай дзяржаўнага перавароту
11:08 10.01.2022 (абноўлена: 11:36 10.01.2022)
© Sputnik
Падпісацца
Паводле слоў прэзідэнта Казахстана, галоўнай мэтай тэрарыстаў быў захоп улады, ён назваў атаку тэрарыстычнай вайной, развязанай супраць краіны.
МІНСК, 10 сту – Sputnik. Прэзідэнт Казахстана Касым-Жамарт Такаеў назваў падзеі ў Казахстане спробай дзяржаўнага перавароту. Паводле яго слоў, галоўнай мэтай тэрарыстаў быў захоп улады.
Аб гэтым лідар Казахстана заявіў падчас выступлення на пазачарговай сесіі Савета калектыўнай бяспекі (СКБ) Арганізацыі Дагавора аб калектыўнай бяспецы (АДКБ).
Па ягоных словах, краіна перажыла самы цяжкі крызіс за гісторыю незалежнасці.
"За некалькі студзеньскіх дзён Казахстан перажыў маштабны крызіс. Ён стаў самым цяжкім за ўсю трыццацігадовую гісторыю незалежнасці", - сказаў Такаеў у ходзе пасяджэння.
Ён заявіў, што ўсе падзеі з пачатку 2022 года складаюць звёны аднаго ланцуга і яны падпарадкаваны адзінай задуме, падрыхтоўка якой ішла працяглы час. Следства пакажа, як доўга ішла падрыхтоўка.
Ён дадаў, што ў пэўны момант падзеі набылі крытычны характар, калі Алматы і дзевяць абласных цэнтраў аказаліся ў руках баевікоў. Па словах Такаева, тэрарысты таксама планавалі захоп рэзідэнцыі прэзідэнта, але адмовіліся ад планаў пасля паведамленняў аб адпраўцы міратворцаў у краіну.
Каардынацыя з аднаго цэнтра
Паводле слоў казахстанскага лідара, у якасці нагоды арганізатары беспарадкаў выкарыстоўвалі мірныя мітынгі. "Як па адзінай камандзе выявіліся рэлігійныя радыкалы, заўзятыя бандыты, марадзёры і дробныя хуліганы", - заявіў кіраўнік Казахстана.
Ён дадаў, што ўсе баявыя дзеянні каардынаваліся з аднаго цэнтра. Пра гэта сведчаць сінхронныя нападзенні на будынкі.
Па словах Касым-Жамарта Такаеў, ёсць ахвяры сярод мірнага насельніцтва, дакладная колькасць устанаўліваецца. Загінулі 16 супрацоўнікаў сілавых структур, больш за 1,3 тысячы атрымалі раненні.
Пры гэтым лідар Казахстана назваў дэзінфармацыяй сцвярджэнні аб прымяненні ў Казахстане сілы супраць мірных дэманстрантаў. А крыху пазней праваахоўнікі краіны прадставяць свету доказы падрыхтоўкі тэрарыстычнай агрэсіі супраць краіны.
Як распавёў Такаеў, колькасная перавага бандытаў перад казахстанскімі сілавікамі была мінімум у пяць разоў.
"Маючы колькасную перавагу як мінімум у пяць разоў, бандыты нападалі на паліцэйскіх і вайскоўцаў, збівалі іх з асаблівай жорсткасцю", - заявіў прэзідэнт Казахстана.
Аб ролі АДКБ
Казахстанскі лідар расказаў, што ў краіне ад міратворчай місіі АДКБ знаходзяцца 2030 чалавек і 250 адзінак тэхнікі.
"АДКБ паказала сваю запатрабаванасць як эфектыўная арганізацыя", - адзначыў Такаеў.
Пры гэтым ён заявіў, што ў СМІ ужо ўзнікаюць пытанні аб легітымнасці ўводу сіл АДКБ. Гэта адбываецца з-за адсутнасці дакладнай інфармацыі і неразумення ўсёй сітуацыі.
У асобных выпадках у міжнароднай супольнасці, у тым ліку ў замежных СМІ, мае месца абсалютна няправільнае тлумачэнне як прымянення сіл АДКБ, так і разумення сітуацыі ў Казахстане, перакананы Такаеў.
На думку прэзідэнта Казахстана, міратворчыя сілы АДКБ "рэалізуюць функцыі прыкрыцця і гарантавання бяспекі аэрапортаў, ваенных складоў і іншых стратэгічных аб'ектаў".
"Гэта першая міратворчая місія АДКБ. Упэўнены, што Арганізацыя атрымае карысны вопыт, будуць прааналізаваны вузкія месцы і зроблены адпаведныя вывады, унесены карэкціроўкі ў рэгулюючыя дакументы", - сказаў Такаеў.
Паводле яго слоў, "АДКБ паказала сваю запатрабаванасць і эфектыўнасць як аўтарытэтная ваенна-палітычная арганізацыя".
Не дапусціць паўтарэння падзей
Краіны АДКБ павінны не дапусціць паўтарэння сітуацыі, якая адбылася ў Казахстане, на тэрыторыі іншых дзяржаў-членаў аб'яднання, заявіў Касым-Жамарт Такаеў.
"Галоўнае - не дапусціць у будучым паўтарэння такіх падзей на ўсёй прасторы калектыўнай бяспекі", - сказаў ён, выступаючы на пазачарговай сесіі Савета калектыўнай бяспекі АДКБ па відэасувязі.
Паводле яго слоў, "у гэтым і заключаецца наша асноўная задача на бліжэйшую перспектыву".
Пры гэтым краінам АДКБ нельга дапускаць інфармацыйнага вакууму ў сітуацыях, з якімі сутыкнуўся Казахстан.
"Як я думаю, гэта ўрок Казахстану. Але я думаю, ён будзе карысны для ўсіх дзяржаў - партнёраў па арганізацыі", - сказаў Такаеў.
Такаеў заўважыў, што заснаванне інстытута спецыяльнага прадстаўніка генсека АДКБ па міратворчай дзейнасці пацвердзіла сваю актуальнасць.
Адзіным фронтам
Таксама казахстанскі лідар заявіў, што ўсе краіны АДКБ выступілі адзіным фронтам для дапамогі краіне, падтрымаўшы зварот рэспублікі аб дапамозе ў сувязі з беспарадкамі.
"Фактычна гэта першы выпадак, калі міратворчы патэнцыял АДКБ быў рэальна задзейнічаны для забеспячэння бяспекі, стабільнасці і цэласнасці адной з дзяржаў-членаў. Для нас прынцыпова важна не толькі ваенная, але і перш за ўсё маральная падтрымка партнёраў па АДКБ", - сказаў лідар Казахстана.
Ён таксама расказаў, што антытэрарыстычная кампанія і міратворчая місія АДКБ у Казахстане хутка завершацца.
"У бліжэйшы час маштабная антытэрарыстычная аперацыя завершыцца, а разам з ёй скончыцца паспяховая і эфектыўная місія кантынгенту АДКБ", - сказаў ён, выступаючы на пазачарговай сесіі Савета калектыўнай бяспекі АДКБ па відэасувязі.
Пазачарговы саміт АДКБ
Пазачарговая сесія Савета калектыўнай бяспекі (СКБ) Арганізацыі Дагавора аб калектыўнай бяспецы (АДКБ) пад старшынствам Арменіі праходзіць у рэжыме відэаканферэнцыі.
З ініцыятывай правесці экстранае пасяджэнне Савета калектыўнай бяспекі арганізацыі выступіў прэзідэнт Казахстана Касым-Жамарт Такаеў. Гэтую прапанову падтрымаў расійскі лідар Уладзімір Пуцін. Арменія як краіна - старшыня АДКБ і арганізатар мерапрыемства - аб'явіла яго дату.
Удзельнікамі аб'яднання цяпер з'яўляюцца шэсць дзяржаў: Расія, Арменія, Беларусь, Казахстан, Кыргызстан і Таджыкістан. Ад Кыргызстана ў сесіі СКБ удзел прымае прэм'ер-міністр рэспублікі Акылбек Жапараў замест Садыра Жапарава, які пайшоў у водпуск.
Лідары краін АДКБ абмяркоўваюць сітуацыю ў Казахстане, дзе некалькі дзён ішлі масавыя беспарадкі і пагромы, у выніку якіх пацярпелі тысячы чалавек, ёсць загінуўшыя.
Па просьбе казахстанскага прэзідэнта Касым-Жамарта Такаева 6 студзеня ў Казахстан былі накіраваны міратворцы АДКБ.
Па просьбе казахстанскага прэзідэнта Касым-Жамарта Такаева 6 студзеня ў Казахстан былі накіраваны міратворцы АДКБ.
Таксама на Sputnik:
Саміт АДКБ: абмеркаванне сітуацыі ў Казахстане – відэа
МЗС Расіі: абстаноўка ў Казахстане пасля пратэстаў паступова паляпшаецца
Пуцін і Лукашэнка абмеркавалі сітуацыю ў Казахстане і відэаканферэнцыю АДКБ
Больш за 4 тысячы затрыманых: што адбываецца ў Казахстане пасля пагромаў
Беларускія міратворцы прыступілі да выканання задач у Казахстане
