Расійскія міратворцы пакідаюць Казахстан
© Sputnik / Михаил Воскресенский
/ Падпісацца
Пасля прыбыцця ўсіх самалётаў на аэрадром "Чкалаўскі" будзе арганізавана сустрэча міратворцаў з удзелам камандавання ПДВ.
МІНСК, 16 сту – Sputnik. Ужо 11 самалётаў ваенна-транспартнай авіяцыі ВКС Іл-76 з расійскімі міратворцамі са складу сіл АДКБ прыбылі з Казахстана на аэрадром "Чкалаўскі", паведамілі ў Мінабароны Расіі.
Аб прызямленні першага борта ў "Чкалаўскім" ведамства паведаміла каля 9 раніцы па маскоўскім часе (супадае з мінскім), яшчэ праз 40 хвілін з'явілася паведамленне аб прыбыцці яшчэ 10 самалётаў.
Прылёт расійскіх міратворцаў з Казахстана на аэрадром Чкалаўскі
© Sputnik / Михаил Воскресенский
/ Раней стала вядома, што з аэрадрома "Алматы" вылецелі 19 самалётаў, якія даставяць у РФ расійскіх міратворцаў са складу калектыўных сіл АДКБ. Вяртанне міратворцаў краін АДКБ з Казахстана, якое стартавала ў чацвер, плануецца завяршыць да 19 студзеня.
У Мінабароны РФ таксама паведамлялі, што па прыбыцці ўсіх падраздзяленняў на аэрадроме арганізуюць іх урачыстую сустрэчу з удзелам камандавання ПДВ.
Ваеннаслужачыя РФ кантынгенту міратворчых сіл АДКБ на аэрадроме Чкалаўскі
© Sputnik / Михаил Воскресенский
/ "Па заканчэнні ўрачыстага мітынгу асабісты склад пачне разгрузку ўзбраення, ваеннай тэхнікі, маёмасці і здзейсніць марш у пункт пастаяннай дыслакацыі", - было таксама сказана ў паведамленні.
Беларускія міратворцы
Беларускі міратворчы кантынгент вярнуўся з Казахстана на радзіму ў пятніцу 14 студзеня, аб гэтым паведаміла прэс-служба мінабароны Беларусі.
У ноч з 13 на 14 студзеня беларускія дэсантнікі завяршылі пагрузку бронетранспарцёраў і асабовага складу і вылецелі ў Мінскую вобласць на самалётах ВКС Расіі. Таксама на расійскіх бартах паляцелі вайскоўцы з Арменіі і Таджыкістана. Толькі вайскоўцы з Кыргызстана палічылі за лепшае вярнуцца на радзіму на сваёй тэхніцы і па сушы.
Дзесяць ваенна-транспартных бартоў Іл-76 вылецелі з ваеннага аэрапорта Жэтыген раніцай у пятніцу і ў раёне абеду прызямліліся на беларускім аэрадроме ў Мачулішчах.
Што рабілі міратворцы ў Казахстане?
Нагадаем, на фоне беспарадкаў і пагромаў, якія адбыліся ў Казахстане ў першыя дні 2022-га, прэзідэнт краіны Касым-Жамарт Такаеў 5 студзеня звярнуўся ў АДКБ з просьбай аб дапамозе. На наступны дзень у Казахстан былі адпраўлены калектыўныя міратворчыя сілы з Расіі, Беларусі, Арменіі, Таджыкістана і Кыргызстана.
Міратворцам даверылі ахову стратэгічна важных аб’ектаў. Беларускія вайскоўцы ахоўвалі склад боепрыпасаў і вайсковы аэрадром Жэтыген. Армянскі кантынгент ахоўваў хлебны камбінат "Аксай" і помпавую станцыю "Дружба", а таджыкскія міратворцы – алмацінскую ЦЭЦ-1. Расійскія міратворцы ўзялі пад кантроль аэрапорт Алматы.
Прэзідэнт Казахстана заявіў 11 студзеня, што місія міратворцаў у краіне скончана, вывад калектыўных сіл з краіны плануецца завяршыць да 19 студзеня. Да гэтага дня ў рэспубліцы скончыцца тэрмін дзеяння надзвычайнага становішча.
Таксама на Sputnik:
Генеральны сакратар АДКБ расказаў, ці былі нападзенні на міратворцаў у Казахстане
Антытэрарыстычная аперацыя працягваецца ў трох рэгіёнах Казахстана
Лукашэнка: аперацыя АДКБ стала сігналам для тых, хто точыць меч каля меж
Беларускія міратворцы вярнуліся з Казахстана
Беларускія міратворцы разам з казахамі працавалі на блокпастах – відэа
Вельмі паспяховая місія: Такаеў ацаніў дзеянні міратворцаў у Казахстане
Як працавалі беларускія міратворцы ў Казахстане – відэа
