Урбанолагі і сіці-менеджэры: новыя спецыяльнасці адкрые беларуская ВНУ

© Sputnik / Евгений Биятов / Перайсці ў фотабанкСтудэнты на лекцыі, архіўнае фота
Студэнты на лекцыі, архіўнае фота - Sputnik Беларусь, 1920, 17.01.2022
Падпісацца на
Yandex newsTelegram
У наступным навучальным годзе ў Беларусі ўпершыню пачнуць вучыць новай прафесіі, плануецца, што набор будзе невялікі.
МІНСК, 17 сту – Sputnik. Новую спецыяльнасць адкрываюць у Брэсцкім дзяржаўным універсітэце імя А.С. Пушкіна – тут першымі ў Беларусі будуць вучыць на урбанолагаў і сіці-менеджараў.
Па планах, першы набор пройдзе ўжо ў 2022-2023 навучальным годзе. Залічаць усяго 20 студэнтаў (17 на бюджэт, 3 месцы – на платнае). Абітурыенту трэба будзе здаць ЦТ па геаграфіі, матэматыцы і мове (рускай ці беларускай).
Вучыць на сіці-менеджэраў будуць чатыры гады, пасля заканчэння ўніверсітэта ў дыпломе будзе значыцца кваліфікацыя "Урбанолаг. Менеджэр".
Член-карэспандэнт НАН Беларусі, прафесар кафедры геаграфіі і прыродакарыстання Максім Багдасараў паведаміў, што працэс адкрыцця новай спецыяльнасці – вельмі працаёмкі. Гэта і падрыхтоўка адукацыйнага стандарту, і распрацоўка тыпавога навучальнага плана, а потым этап узгадненняў.

"Усё гэта, у тым ліку збор заявак ад арганізацый на дзесяць гадоў наперад, заняло ў нас каля паўтара года", - расказаў ён БелТА.

Чым займаецца ўрбанолаг?

Абедзве спецыяльнасці – урбанолаг і сіці-менеджэр – новыя для Беларусі. І запыт на такія прафесіі ўзнікае не выпадкова: гарадское развіццё, планаванне і дызайн патрабуе і новых прафесійных падыходаў.
"Місія урбанолага заключаецца ў тым, каб зрабіць любы населены пункт (у першую чаргу горад) зручным для жыцця людзей, забяспечыўшы пры гэтым яго ўстойлівае развіццё", - упэўнены Багдасараў.
Задача такога спецыяліста – зрабіць гарадское асяроддзе камфортным для пражывання, знаходзячы сувязь паміж інфраструктурай, прыродным асяроддзем і жыхарамі.
Аўдыторыя ў БДУ, архіўнае фота - Sputnik Беларусь, 1920, 05.01.2022
Патрэбны краіне: дзве новыя спецыяльнасці з'явяцца ў галоўнай ВНУ Беларусі
Чытайце таксама:
Новыя адзнакі і іншыя тэрміны: у Беларусі змяніліся правілы прыёму ў ліцэі
Названа колькасць беларусаў, якія паступілі па ЦТ у ВНУ Расіі ў 2021 годзе
БДУ, БНТУ і іншыя: беларускія ВНУ ўвайшлі ў топ найлепшых Еўропы
Стужка навiн
0