Галоўчанка прызнаў, што ў гандлі з Тывой пахваліцца няма чым
© Sputnik / Виктор Толочко
Падпісацца
Беларускі бок праяўляе цікавасць да развіцця гандлёвых і інвестыцыйных адносін нават з аддаленымі геаграфічна расійскімі рэгіёнамі.
МІНСК, 20 сту – Sputnik. Беларусь заўсёды будзе ўдзяляць увагу развіццю адносін з расійскімі рэгіёнамі, сказаў прэм’ер рэспублікі Раман Галоўчанка на сустрэчы з кіраўніком Тывы Уладзіславам Хавалыгам, перадае карэспандэнт Sputnik.
Паводле яго слоў, вельмі пазітыўным фактам можна лічыць візіт у рэспубліку дэлегацыі з такога аддаленага рэгіёна Расіі.
"Шчыра кажучы, пакуль пахваліцца няма чым, калі гаварыць аб выніках гандлёва-эканамічнага супрацоўніцтва", - прызнаў кіраўнік беларускага ўрада.
Пры гэтым Раман Галоўчанка звярнуў увагу, што калі параўнаць вынікі з іншымі расійскімі рэгіёнамі, то "мы, напэўна, яшчэ не пачыналі працаваць. Калі меркаваць па тых лічбах, якія мы маем па аб'ёмах гандлю".
"Я бачу, што такая дынаміка не задавальняе ні беларускі, ні тывінскі бакі", - падкрэсліў беларускі прэм’ер.
Кіраўнік Тывы Уладзіслаў Хавалыг
© Sputnik / Виктор Толочко
На яго думку, афіцыйны візіт дэлегацыі з Тывы – магчымасць прааналізаваць сітуацыю і ідэнтыфікаваць прычыны, якія перашкаджаюць нарошчванню ўзаемнага супрацоўніцтва. Беларускі бок зацікаўлены ў развіцці не толькі гандлёвага, але і інвестыцыйнага супрацоўніцтва.
Прычым Раман Галоўчанка звярнуў увагу, што Беларусь паспяхова развівае супрацоўніцтва са значна больш аддаленымі расійскімі рэгіёнамі, чым Тыва, а значыць геаграфія не можа служыць апраўданнем.
Кіраўнік беларускага ўрада нагадаў, што рэспубліка заўсёды зацікаўлена ў пастаўках тэхнікі ўласнай вытворчасці для розных галін эканомікі. Таксама ёсць цікавасць да развіцця пасажырскіх перавозак.
"Тыва – адзін з самых багатых на карысныя выкапні рэгіёнаў Расіі. Беларускія машыны працуюць на залежах карысных выкапняў. У рэспубліцы працуюць і БелАЗы", - нагадаў беларускі прэм’ер.
Раман Галоўчанка расказаў калегу, што Беларусь – адзін з лідараў у аграрнай галіне ў еўрапейскім рэгіёне. Таму беларускі бок гатовы ўдзельнічаць у пастаўках тэхнікі, тэхналогій для сельскай гаспадаркі ў Тыву. У тым ліку, развядзенне буйной рагатай жывёлы і развіццё малочнатаварнай вытворчасці.
На сустрэчы прэм'ер-міністра Беларусі Рамана Галоўчанкі з кіраўніком Тывы Уладзіславам Хавалыгам
© Sputnik / Виктор Толочко
Высокі давер Тывы
У сваю чаргу Уладзіслаў Хавалыг адзначыў, што пакуль сапраўды Тыве і Беларусі "няма чым хваліцца і ганарыцца".
"Патэнцыял у рэспублікі (Тыва - Sputnik) вялізны, яна вельмі багатая на мінеральна-сыравінныя рэсурсы", - асабліва адзначыў кіраўнік расійскага рэгіёна.
Паводле яго слоў, літаральна, тры месяцы таму прайшлі выбары кіраўніка рэспублікі "і народ аказаў высокі давер. Трэба яго апраўдваць".
"Мы цяпер у пошуках каштоўных партнёраў, у тым ліку, за мяжой", - сказаў Уладзіслаў Хавалыг.
У адказ на гэта Раман Галоўчанка звярнуў увагу, што калегі з Тывы не за мяжой, а знаходзяцца ў межах Адзінай эканамічнай прасторы.
На заканчэнне кіраўнік Тывы запэўніў, што гатовы да супрацоўніцтва з беларускім бокам па ўсіх напрамках.
Чытайце таксама:
Лукашэнка гатоў наведаць Тыву: хацеў бы "зірнуць на гэты казачны край"
Пасол РФ абмеркаваў з Каранікам падрыхтоўку Форуму рэгіёнаў
Мінск-Сімферопаль: у Беларусі прэзентавалі магчымасці Крыма
Жыхары Прымор'я стаяць у чэргах за беларускімі прадуктамі - Багданаў
Бранская вобласць зацікаўлена ў беларускіх калійных удабрэннях
