Лаўроў і Блінкен праводзяць перамовы па гарантыях бяспекі
14:09 21.01.2022 (абноўлена: 18:05 21.01.2022)
© Sputnik / Павел Бедняков
/ Падпісацца
Расійская і амерыканская дэлегацыі запланавалі перагаворы на некалькі гадзін, пасля чаго пройдзе прэс-канферэнцыя.
МІНСК, 21 сту – Sputnik. Перамовы паміж кіраўніком МЗС Расіі Сяргеем Лаўровым і дзяржсакратаром ЗША Энтані Блінкенам, на якіх, як чакаецца, бакі абмяркуюць пытанні гарантый бяспекі, пачаліся ў Жэневе.
У пачатку сустрэчы Лаўроў падзякаваў Блінкену за ідэю правесці перамовы і выказаў надзею, што дзярждэпартамент ЗША вывучыў сутнасць расійскіх прапаноў па гарантыях бяспекі. Таксама кіраўнік расійскага МЗС заявіў, што не чакае прарыву ад сустрэчы з амерыканскім дзяржсакратаром, аднак чакае адказы на "гранічна канкрэтныя" прапановы расійскага боку.
"Вы згадалі ў адной з нядаўніх заяў падчас еўрапейскага турнэ, што ад гэтай сустрэчы вы не чакаеце прарыву. Мы таксама не чакаем прарыву ад гэтай сустрэчы, мы чакаем адказаў на нашы прапановы. Прапановы гранічна канкрэтныя. Чакаем такіх жа канкрэтных адказаў у рэчышчы і поўнай адпаведнасці з тымі абавязацельствамі, якія былі прыняты на вышэйшым узроўні ў рамках АБСЕ па праблемах непадзельнасці бяспекі. Каб ні адна краіна не ўмацоўвала сваю бяспеку за кошт бяспекі любой іншай краіны", - сказаў Лаўроў.
Вырашаць праблемы мірна
Энтані Блінкен у сваю чаргу заявіў, што Вашынгтон мае намер вырашаць пытанні, якія ўзнікаюць з Масквой, мірна, аднак таксама не чакае вялікіх вынікаў ад жэнеўскіх перамоў.
"Вы маеце рацыю, мы не чакаем вырашэння рознагалоссяў тут сёння, але я спадзяюся і чакаю, што зможам паглядзець, ці застаецца адкрытым дыялог і дыпламатыя. Мы настроены на вырашэнне (праблем) такім шляхам і на вырашэнне нашых рознагалоссяў мірна", - паведаміў дзяржсакратар ЗША у пачатку перамоў.
Як чакаецца, на сустрэчы ў Жэневе амерыканскі бок павінен даць адказ на прапановы Масквы.
Раней Блінкен ужо заявіў, што не вязе на сустрэчу пісьмовы адказ ЗША на расійскія дакументы.
Што хоча Расія
У канцы 2021 года Расія апублікавала праекты дамовы з ЗША і пагаднення з НАТА па гарантыях бяспекі. Масква, у прыватнасці, патрабуе, каб ваенныя сілы НАТА спынілі ўзвядзенне ваенных баз у постсавецкіх краінах. Таксама ўзнятыя пытанні тычацца недалучэння Украіны да альянсу і адмовы ад далейшага пашырэння НАТА на ўсход.
Перамовы паміж Расіяй і ЗША адбыліся ў Жэневе 9 і 10 студзеня. Масква выказала свае прапановы. Па нейкіх пытаннях краінам удалося дамовіцца, для вырашэння астатніх пакуль патрэбен час, адзначаў кіраўнік расійскай дэлегацыі, намеснік кіраўніка МЗС РФ Сяргей Рабкоў.
Асобнае пасяджэнне Савета Расія - НАТА адбылося ў Бруселі 12 студзеня. Генеральны сакратар альянсу Йенс Столтэнберг падкрэсліў, што будзе рабіць са свайго боку ўсё, каб не дапусціць узброены канфлікт у Еўропе.
Чытайце таксама:
Лаўроў распавёў аб "чырвоных лініях" у адносінах з ЗША, НАТА і Украінай
Блінкен пацвердзіў гатоўнасць далейшага дыялогу ЗША з Расіяй
Захарава назвала злачыннай халатнасцю пытанні журналістаў Байдэну
МЗС РФ назвала домысламі заявы аб размяшчэнні ядзернай зброі ў Беларусі
Пяскоў: Расія не можа мірыцца з паступовым уварваннем НАТА на Украіну
