"Спутник V" для дзяцей пачынаюць даследаваць у Расіі

© Sputnik / Алексей Сухоруков / Перайсці ў фотабанкВакцынацыя ад Covid-19 супрацоўнікаў прадпрыемства ПАТ "Пігмент" у Тамбове
Вакцынацыя ад Covid-19 супрацоўнікаў прадпрыемства ПАТ Пігмент у Тамбове - Sputnik Беларусь, 1920, 24.01.2022
Падпісацца на
Yandex newsTelegram
Прадугледжваецца, што ў вывучэнні прэпарата прымуць удзел больш як 2 тысячы добраахвотнікаў, завяршыць яго выпрабаванні плануецца да 31 снежня 2023 года.
МІНСК, 24 сту - Sputnik. Цэнтр ім. Гамалеі атрымаў дазвол на правядзенне клінічных даследаванняў "Спутника V" для дзяцей, вынікае з дадзеных расійскага дзяржрэестра дазволаў на даследаванні лекавых прэпаратаў.
Адзначаецца, што 24 студзеня атрыманы дазвол на правядзенне трох фаз вывучэння прэпарата па бяспецы, пераноснасці і імунагеннасці "Гам-КОВИД-Вак М", "камбінаванай вектарнай вакцыны для прафілактыкі каронавіруснай інфекцыі, якая выклікаецца вірусам SARS-CoV-2" у дзяцей".
Мяркуецца, што ў вывучэнні прэпарата прымуць удзел больш за дзве тысячы добраахвотнікаў.
Даследаванне будзе працяглым - завяршыць выпрабаванні плануецца да 31 снежня 2023 года. Даследаваць вакцыну будуць на трох медыцынскіх пляцоўках у Маскве.
Раней кіраўнік цэнтра імя Гамалеі Аляксандр Гінцбург паведаміў, што дакументы на даследаванне прэпарата "Спутник М" для дзяцей ад 6 да 11 гадоў пададзены ўжо ў Міністэрства аховы здароўя.

Вакцына для падлеткаў

У канцы лістапада 2021 года ў РФ зарэгістравалі прэпарат "Спутник V" для падлеткаў ад 12 да 17 гадоў.
Фактычна гэта пятая частка дозы класічнага "Спутника V", які выкарыстоўваецца для дарослых. І гэтай колькасці хапае для выпрацоўкі імунітэту ад каронавіруса.
На мінулым тыдні ў расійскія рэгіёны ўжо пачала паступаць вакцына для падлеткаў. Паведамляецца, што ў некаторых абласцях РФ ужо ідзе вакцынацыя дзяцей ад 12 да 17 гадоў.
Раней у расійскім Міністэрстве аховы здароўя заклікалі бацькоў прывіваць падлеткаў ад COVID. Ва ўстанове адзначалі, што дзеці з'яўляюцца асноўнымі пераносчыкамі каронавіруса і крыніцамі заражэння для сваіх старэйшых сваякоў.
Прычым менавіта падлеткі, а не дзеці, хварэюць дастаткова актыўна, а захворванне пераносяць з тэмпературай 39 і 40 градусаў, з посткавідным сіндромам.
У Цэнтры ім. Гамалеі, які і распрацаваў прэпарат для падлеткаў, назвалі адзіны пабочны эфект вакцыны для падлеткаў - гэта нязначнае павышэнне тэмпературы максімум да 37,4 градусаў.
Чытайце таксама:
Названа эфектыўнасць "Спутника V" супраць штаму "амікрон"
Больш за 5,3 тысячы падлеткаў ужо прышчапіліся ад каронавіруса ў Беларусі
У Міністэрстве аховы здароўя назвалі дату выпуску беларускай вакцыны ад каронавіруса
Стужка навiн
0