Палітыка Захаду паставіла пад пагрозу бяспеку ў рэгіёне - Андрэйчанка

© Sputnik / Виктор ТолочкоСпікер беларускага парламента Уладзімір Андрэйчанка
Спікер беларускага парламента Уладзімір Андрэйчанка - Sputnik Беларусь, 1920, 27.01.2022
Падпісацца на
Yandex newsTelegram
У Мінску адкрылася пазачарговая сесія ніжняй палаты парламента, на якой абмяркуюць пытанне канстытуцыйнага рэферэндуму.
МІНСК, 27 сту - Sputnik. Беларусь у існуючых умовах можа разлічваць толькі на свае сілы, а Захад сваімі дзеяннямі падставіў па пагрозу рэгіянальную бяспеку, заявіў старшыня Палаты прадстаўнікоў Уладзімір Андрэйчанка.
"Час паказаў згубнасць палітыкі заходніх краін, якая паставіла пад пагрозу ўсю сістэму рэгіянальнай бяспекі", - падкрэсліў Андрэйчанка.
Паводле яго слоў, падзеі апошняга часу паказалі, што моцная і незалежная Беларусь нікому не патрэбна - акрамя саміх жа беларусаў.
У сучасных умовах, у тым ліку ва ўмовах санкцыйнага ціску на краіну, Беларусь можа спадзявацца толькі на сябе, зазначыў спікер ніжняй палаты.
"І наша сіла - у адзінстве", - падкрэсліў Андрэйчанка.

Пасланне прэзідэнта

Андрэйчанка адзначыў, што цэнтральнай падзеяй пазачарговай сесіі стане зварот кіраўніка дзяржавы з пасланнем да беларускага народа і парламента.
"Безумоўна, людзі чакаюць прамой і шчырай размовы", - сказаў ён.
Пры гэтым Андрэйчанка падкрэсліў, што ўсе разумеюць, наколькі трывожная сітуацыя ў свеце.
"І многіх турбуе, ці зможа ўлада захаваць суверэнітэт, гарантаваць бяспеку і дабрабыт сваіх грамадзян", - заўважыў спікер ніжняй палаты.
Паводле яго слоў, дыялог прэзідэнта і грамадства ў такім фармаце асабліва важны напярэдадні значнай электаральнай падзеі - канстытуцыйнага рэферэндуму.
Палата прадстаўнікоў сёння разгледзела шэраг законапраектаў, а таксама прыняла рашэнне аб правядзенні 28 студзеня сумеснага пасяджэння палат парламента для заслухоўвання звароту прэзідэнта Аляксандра Лукашэнкі са штогадовым пасланнем да беларускага народа і Нацыянальнага сходу Рэспублікі Беларусь.
Чытайце таксама:
Падрыхтоўку да рэферэндуму абмяркуюць дэпутаты на пазачарговай сесіі
Пазачарговая сесія парламента Беларусі склікаецца 27 студзеня
Адна сесія і тэрмін у 5 гадоў: парламент можа памяняць фармат работы
Стужка навiн
0