Знешні дзярждоўг знізіўся: колькі Беларусь застаецца вінна

© Pixabay/JESHOOTS-comДолары і калькулятар
Долары і калькулятар - Sputnik Беларусь, 1920, 31.01.2022
Падпісацца на
Yandex newsTelegram
Летась улады краіны прыцягнулі пазык на суму больш за 1,2 млрд долараў, а пагасілі на суму больш за 1,6 млрд долараў.
МІНСК, 31 сту - Sputnik. Знешні дзярждоўг Беларусі па стане на 1 студзеня 2022 года склаў 18,2 мільярда долараў - як і месяцам раней, аднак з улікам курсавых розніц зменшыўся на 400 мільёнаў долараў (на 1,9%) з пачатку 2021 года, паведамілі ў прэс-службе Мінфіна.
У мінулым годзе сума пазык, якія беларускія ўлады запытвалі ў партнёраў, склала 1 млрд 273,1 мільёна долараў. Сума пагашэння - 1 млрд 609 мільёнаў долараў. У 2022 годзе Беларусі неабходна пагасіць 3,3 млрд. долараў.
Раней віцэ-прэм'ер Беларусі Мікалай Снапкоў заявіў, што Беларусь запытае ў Расіі яшчэ адзін крэдыт - ён пойдзе на рэфінансаванне дзярждоўгу. Гэта звязана з пятым пакетам санкцый ЗША, які аказаўся найбольш адчувальным для беларускага дзярждоўгу. Агульная сума пазык складзе - 3,5 млрд долараў.

Астатнія даўгі

Унутраны дзярждоўг на 1 студзеня 2022-га склаў 11,8 млрд. рублёў. За апошні месяц ён зменшыўся на 100 мільёнаў рублёў, за апошні год - павялічыўся на 2 мільярды рублёў (на 19,9%) з улікам курсавых розніц.
У цэлым дзярждоўг краіны на пачатак года склаў 58,3 мільярда рублёў - як і месяц таму: з пачатку 2021 года ён павялічыўся на 500 мільёнаў (або 0,9%).
Чытайце таксама:
Эканамічныя вынікі 2021-га: гэта быў цяжкі год
Знешні дзярждоўг Беларусі зноў знізіўся
Беларусь просіць у Расіі новы буйны крэдыт - на рэфінансаванне доўгу
Стужка навiн
0