Люди фотографируются до начала церемонии встречи олимпийского огня в Пекине  - Sputnik Беларусь, 1920
Зімовыя Алімпійскія гульні ў Пекіне
Зімовыя Алімпійскія гульні ў Пекіне праводзяцца з 4 па 20 лютага 2022 года. Апошнія навіны аб Алімпійскіх гульнях чытайце ў матэрыялах Sputnik.

Фігурыст Канстанцін Мілюкоў застаўся без медаля Алімпіяды

© Sputnik / Александр Вильф / Перайсці ў медыябанкФігурыст Канстанцін Мілюкоў
Фігурыст Канстанцін Мілюкоў - Sputnik Беларусь, 1920, 10.02.2022
Падпісацца на
НовостиTelegram
Беларускія спартсмены на зімовай Алімпіядзе ў Пекіне сёння выступаюць у фігурным катанні, канькабежным спорце і лыжнай акрабатыцы.
МІНСК, 10 лют – Sputnik. Беларускі фігурыст Канстанцін Мілюкоў заняў 20-е месца ў мужчынскім адзіночным фігурным катанні па выніках адвольнай праграмы, пра гэта паведамляе прэс-служба НАК.
Сам Мілюкоў прызнаўся, што выканаў адвольную праграму крыху горш, чым кароткую, але ў цэлым, паводле яго слоў, са сваёй задачай справіўся.
"У цэлым ацэньваю сваё выступленне добра. Так, у вольнай былі нейкія касякі, але ў цэлым са сваёй задачай справіўся. Так, перасіліў сябе. У кароткай гэта атрымалася крыху лепш, у вольнай – крыху горш. Але я думаю, агульны ўзровень выглядаў годна, паколькі ўсе сапернікі вельмі моцныя – наймацнейшыя спартсмены ў свеце. Прыемна што на іх фоне выглядалі вельмі добра", - падзяліўся эмоцыямі Мілюкоў пасля выступлення.
Трэнер Канстанціна Мілюкова Алег Васільеў таксама ацаніў катанне свайго фігурыста як вельмі дастойнае. Ён лічыць, што гэта быў яго лепшы пракат за сезон – і ў кароткай, і ў свабоднай праграме.
"Ён сабраўся і выдаў сваё найлепшае катанне на Алімпійскіх гульнях. Гэта вялікае дасягненне для фігурыстаў Беларусі, таму што даўно не быў прадстаўлены гэты спорт на Алімпіядзе", - падзяліўся Алег Васільеў.
Агульная колькасць балаў у спартсмена – 222,22.
Фігурыст Канстанцін Мілюкоў раней выступаў за Расію. У Беларусь ён пераехаў у 2019 годзе і стаў першым спартсменам ад рэспублікі на Алімпійскіх гульнях у мужчынскім адзіночным катанні за апошнія 16 гадоў: апошні раз у мужчынскім адзіночным катанні Беларусь на Гульнях была прадстаўлена ў 2006 годзе ў Турыне, калі Сяргей Давыдаў заняў 14-е месца ў кароткай і 16-е месца ў адвольнай праграмах.
На Гульнях у Пекіне 7 лютага Мілюкоў выканаў кароткую праграму: за выступленне пад кампазіцыю з балета "Шчаўкунчык" ён атрымаў 78,49 бала. Палепшыць свае пазіцыі ў адвольнай праграме яму не ўдалося.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Марыя Шканава - Sputnik Беларусь, 1920, 09.02.2022
Зімовыя Алімпійскія гульні ў Пекіне
Беларуская гарналыжніца паказала свой найлепшы вынік на Гульнях у Пекіне
Таксама на Sputnik:
Антон Смольскі заваяваў сярэбраны медаль у індывідуальнай гонцы
У беларускіх алімпійцаў страты праз кавід
Дынара Алімбекава заняла пятае месца ў індывідуальнай гонцы
Лыжнік Бальшуноў прынёс Расіі першае золата на Алімпіядзе
Расклад выступленняў беларускіх спартсменаў на зімовай Алімпіядзе - 2022
Стужка навiн
0