Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Пуцін і Лукашэнка правялі тэлефонныя перамовы ў суботу

© пресс-служба президента БеларусиПрэзідэнты Беларусі і Расіі Аляксандр Лукашэнка і Уладзімір Пуцін
Прэзідэнты Беларусі і Расіі Аляксандр Лукашэнка і Уладзімір Пуцін - Sputnik Беларусь, 1920, 13.02.2022
Падпісацца
Кіраўнікамі дзвюх дзяржаў была разгледжана сітуацыя вакол рэакцыі ЗША і НАТА на прапановы РФ па бяспецы.
МІНСК, 13 лют - Sputnik. Прэзідэнт Расіі Уладзімір Пуцін абмеркаваў з беларускім калегам Аляксандрам Лукашэнкам сітуацыю з рэакцыяй ЗША і НАТА на расійскія прапановы па гарантыях бяспекі.
У паведамленні Крамля гаворыцца, што кіраўнікамі дзяржаў разгледжаны некаторыя пытанні далейшага развіцця двухбаковага супрацоўніцтва, а таксама сітуацыя вакол рэакцыі ЗША і НАТА на расійскія прапановы па выпрацоўцы доўгатэрміновых міжнародна-прававых гарантый бяспекі Расіі. Таксама кіраўнікі дзяржаў дамовіліся аб далейшых асабістых кантактах.
У сваю чаргу, у прэс-службе беларускага лідэра адзначылі, што кіраўнікі дзяржаў абмеркавалі пытанні міжнародных адносін, у тым ліку сітуацыю вакол Украіны, і графік маючых адбыцца сустрэч і перагавораў.
Адзначым, што 10 лютага Расія і Беларусь пачалі маштабныя ваенныя манеўры "Саюзная рашучасць-2022" - вучэнні на беларускіх ваенных палігонах, куды Расія перакінула шэраг часцей і падраздзяленняў Усходняй ваеннай акругі са штатным узбраеннем, працягнуцца да 20 лютага.

Лукашэнка аб ваенных дзеяннях

На думку кіраўніка беларускай дзяржавы, гарачай вайны не будзе, "калі звар'яцелыя нейкія там нацыкі ва Украіне не зладзяць правакацыю".
Лукашэнка запэўніў, што Беларусь не будзе ваяваць. Пры гэтым у якасці прамацвання сітуацыі з боку патэнцыйнага суперніка ён прывёў прыклады, калі на беларускую тэрыторыю заляталі чужыя самалёты, верталёты і нават беспілотнік.

Гарантыі бяспекі

У снежні 2021 года Масква апублікавала праекты дамовы з ЗША аб гарантыях бяспекі і пагаднення аб мерах забеспячэння бяспекі Расіі і дзяржаў - членаў НАТА. Масква, у прыватнасці, патрабуе, каб:
вайсковыя сілы альянсу спынілі ўзводзіць вайсковыя базы ў постсавецкіх краінах;
не далучалі Украіну да вайсковага блоку;
адмовіліся ад далейшага пашырэння на ўсход.
Пазней газета El Pais апублікавала дакумент, які змяшчае адказ ЗША і НАТА на расійскія прапановы па гарантыях бяспекі.
У дакументах адзначалася, што ЗША гатовы абмеркаваць з РФ узаемныя абавязацельствы па абмежаванні разгортвання наступальных ракетных сістэм і сіл на Украіне. Пры гэтым указвалася, што Вашынгтон гатовы пачаць дыялог аб кантролі над узбраеннямі ў адказ на вывад войскаў і міратворцаў з Крыма, Прыднястроўя, Паўднёвай Асеціі і Абхазіі. Сярод іншага там меўся механізм для пацверджання неразмяшчэння крылатых ракет "Тамагаўк" у Румыніі і Польшчы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
НАТА стварае пагрозы не толькі для Беларусі і Расіі, але і ўсёй АДКБ – Зась
Лукашэнка плануе абмеркаваць з Пуціным пастаўкі калію праз Расію
Лукашэнка адказаў, на чыім баку Беларусь будзе ў выпадку вайны РФ і Украіны
Стужка навiн
0