Мінск нацэлены на ўмацаванне сяброўскіх адносін з Бялградам – Лукашэнка

© Sputnik / Сергей Гунеев / Перайсці ў медыябанкПрэзідэнт Сербіі Аляксандр Вучыч
Прэзідэнт Сербіі Аляксандр Вучыч - Sputnik Беларусь, 1920, 15.02.2022
Падпісацца на
НовостиTelegram
Беларускія ўлады разлічваюць, што сербскі бок будзе аказваць падтрымку на міжнароднай арэне рэспубліцы на ўзаемнай аснове.
МІНСК, 15 лют – Sputnik. Беларускі лідар Аляксандр Лукашэнка павіншаваў прэзідэнта Сербіі Аляксандра Вучыча і ўсіх жыхароў гэтай краіны з нацыянальным святам – Днём дзяржаўнасці, паведамілі ў прэзідэнцкай прэс-службе.
Паводле слоў Аляксандра Лукашэнкі, за сваю працяглую гісторыю Сербія неаднаразова адчувала на сабе грубы знешні ціск, таму ў Бялградзе ведаюць, што толькі пры ўзаемным даверы і павазе, падтрымліваючы адна адну на міжнародных пляцоўках, краіны змогуць абараніць сваю незалежнасць.
Пры гэтым беларускі лідар зрабіў акцэнт на тым, што Мінск нават у самы цяжкі момант аказваў дапамогу брацкаму сербскаму народу, з якім беларусаў звязваюць агульныя культурныя каштоўнасці.
"Веру ў тое, што Рэспубліка Сербія застанецца надзейным партнёрам Беларусі на Балканах. Мінск разлічвае на ўмацаванне дружалюбных адносін з Бялградам, паглыбленне двухбаковых кантактаў і пашырэнне супрацоўніцтва на ўсіх узроўнях і ва ўсіх галінах узаемнай цікавасці", - падкрэсліў Аляксандр Лукашэнка.
Кіраўнік дзяржавы выказаў пажаданне Аляксандру Вучычу і ўсім сербам мець моцнае здароўе, а таксама займацца плённай і паспяховай дзейнасцю.
Раней стала вядома, што ў снежні 2021 года Сербія і яшчэ частка балканскіх краін далучыліся да пятага пакета санкцый супраць Беларусі. У сваю чаргу ў канцы студзеня 2022 года афіцыйны Мінск увёў санкцыі ў адказ супраць Белграда, распаўсюдзіўшы на яго дзеянне прадуктовага эмбарга.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Нур-Султан - Sputnik Беларусь, 1920, 16.12.2021
Лукашэнка павіншаваў Казахстан з 30-годдзем Незалежнасці
Чытайце таксама:
Лукашэнка спадзяецца на актывізацыю кантактаў з Туркменістанам
Лукашэнка назваў аснову для супрацоўніцтва Беларусі і Латвіі
Спрадвеку нашы нацыі звязваюць трывалыя сувязі: Лукашэнка павіншаваў народ Польшчы
Лукашэнка разлічвае на развіццё супрацоўніцтва з Іспаніяй
Лукашэнка: Беларусь і Кітай будуць і надалей падтрымліваць адзін аднаго
Стужка навiн
0