Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Беларусь пабудуе свой порт пад Санкт-Пецярбургам

© Sputnik / Алексей Даничев / Перайсці ў фотабанкНа тэрыторыі ўніверсальнага перагрузачнага комплексу ў марскім гандлёвым порце Усць-Луга.
На тэрыторыі ўніверсальнага перагрузачнага комплексу ў марскім гандлёвым порце Усць-Луга. - Sputnik Беларусь, 1920, 19.02.2022
Падпісацца на
Yandex newsTelegram
Кіраўнік дзяржавы адзначыў, што Беларусь не вернецца ва Украіну і Літву, а краіна ўсё роўна выстаіць ва ўмовах санкцый.
МІНСК, 19 лют – Sputnik. Беларусь пачне будаўніцтва пад Санкт-Пецярбургам порта для перавалкі грузаў.
Як сказаў беларускі прэзідэнт Аляксандр Лукашэнка на сумеснай прэс-канферэнцыі з расійскім калегам у Крамлі, адпаведныя распараджэнні аддаў Уладзімір Пуцін у час перагавораў.
"Нам патрэбен порт. У парушэнне міжнародных пагадненняў нам закрылі тыя дарогі і шляхі ў парты, дзе мы працавалі", - заявіў Лукашэнка.
Ён сказаў, што звярнуўся з просьбай да расійскага лідэра, каб РФ дапамагла аператыўна вырашыць пытанне аб будаўніцтве порта.
"Прэзідэнт Расіі аддаў распараджэнне. Я яго папрасіў, каб дапамаглі нам расіяне, не было цяганіны, бюракратыі", - адзначыў Лукашэнка.
Паводле яго слоў, справа зусім не ў фінансах. "Каб мы на радзіме, пад Ленінградам, пад Пітэрам, маглі пабудаваць свой порт і перавальваць мільёны тон грузаў там", - сказаў прэзідэнт Беларусі.
Таксама кіраўнік дзяржавы адзначыў, што Беларусь не вернецца ва Украіну і Літву ў выпадку сыходу.
"Калі мы ўжо пойдзем з Украіны, Літвы, якая на 30 працэнтаў фарміравала свой бюджэт за кошт нашага транзіту, мы туды не вернемся", - падкрэсліў ён.
Лукашэнка дадаў, што рэспубліка ў любым выпадку выстаіць у санкцыйным ціску Захаду.

Пуцін аб санкцыях

Прэзідэнт Расіі, у сваю чаргу, заявіў аб тым, што заходнія краіны не спыняць санкцыйны націск на Маскву і Мінск. Па словах Пуціна, яны знойдуць падставу для ўвядзення абмежавальных мер.
"Ёсць нейкая нагода сёння, дапусцім, звязаная з падзеямі ва Украіне, ці няма такой нагоды - яна будзе знойдзена, таму што мэта ў іншым, мэта - затармазіць развіццё, у гэтым выпадку - Расіі і Беларусі", - дадаў кіраўнік расійскай дзяржавы.

Перавалка грузаў праз РФ

Раней Мiнск і Масква падпісалі дамову аб экспарце беларускіх нафтапрадуктаў праз парты РФ.
У дакуменце ўказана, што ў 2021-2023 гадах Мінск ажыццявіць перавалку больш за 9,8 мільёна тон грузаў праз марскія парты Расіі. Размова ідзе аб такіх грузах, як мазут, бензін і масла.
Вясной 2021 года бакі пачалі абмяркоўваць пытанне аб будаўніцтве тэрмінала для транзіту беларускіх угнаенняў. Тады ў Расморрэчфлоце адзначылі, што канчатковае месца будаўніцтва не абрана, але гэта можа быць Усць-Луга.

Cпыненне транзіту

Літва з 1 лютага анулявала дамову аб транзіце беларускіх удабрэнняў пасля таго, як у пачатку снежня 2021 года ЗША ўвялі санкцыі ў дачыненні да "Беларуськалія". Аб блакіроўцы транзіту заявіла таксама Латвія і Эстонія, а нарвежская кампанія Yara скасавала кантракт з беларускім горназдабыўным гігантам.
Беларусь у сваю чаргу ўвяла меры ў адказ у дачыненні да Вільнюса і забараніла транзіт літоўскіх нафтапрадуктаў і ўдабрэнняў чыгуначным транспартам па сваёй тэрыторыі.
На фоне забароны транзіту Літвой пастаўкі беларускіх удабрэнняў праз сваю тэрыторыю забараніла і Украіна. Часовае эмбарга ўведзена з 16 лютага 2022 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Сумесная заява Лукашэнкі і Пуціна па выніках перамоў - відэа
РФ і Беларусь рушылі наперад у будаўніцтве Саюзнай дзяржавы - Пуцін
Лукашэнка адправіўся ў Маскву на перамовы з Пуціным
Стужка навiн
0