https://bel.sputnik.by/20220219/fnalny-epzod-shto-adbyvaetstsa--subotu-na-vuchennyakh-sayuznaya-rashuchasts-1060545194.html

Фінальны эпізод: што адбывалася ў суботу на вучэннях "Саюзная рашучасць"

Фінальны эпізод: што адбывалася ў суботу на вучэннях "Саюзная рашучасць"

Sputnik Беларусь

Сумесныя беларуска-расійскія вучэнні працягваюцца ў нашай рэспубліцы, у суботу вайскоўцы адпрацавалі вядзенне абарончага бою. 19.02.2022, Sputnik Беларусь

2022-02-19T14:25+0300

2022-02-19T14:25+0300

2022-02-20T12:25+0300

саюзная дзяржава беларусі і расіі

вучэнне

ваенныя вучэнні

"саюзная рашучасць-2022"

саюзная дзяржава

вайскоўцы

бяспека

https://cdnn11.img.sputnik.by/img/07e6/02/13/1060542928_0:67:1280:787_1920x0_80_0_0_4401169148cd1cd7a0b6fd5a9e5e12a0.jpg

МІНСК, 19 лют – Sputnik. Вучэнні "Саюзная рашучасць" працягваюцца ў Беларусі, у суботу на палігоне "Абуз-Лясноўскі" вайскоўцы сышлі ў абарону, а потым контратакавалі і разбілі праціўніка, перадае карэспандэнт Sputnik з месца падзей.На палігоне "Абуз-Лясноўскі" ў суботу прайшоў фінальны розыгрыш тактычнага эпізоду практычных дзеянняў войск сумеснага аператыўнага вучэння "Саюзная рашучасць-2022".У ім прынялі ўдзел войскі Заходняга аператыўнага камандавання Узброеных Сіл Беларусі, падраздзяленні марской пяхоты Ціхаакіянскага флоту РФ, авіяцыя ВПС і войск СПА рэспублікі, а таксама авіяцыя ПКС Расіі.Абарона і контратакаПаводле легенды, войскі кааліцыйнай групоўкі адбілі наступленне праціўніка ў абарончых баях і стварылі ўмовы для правядзення контрнаступлення.Падчас яго войскі, якія абараняюцца пры падтрымцы падраздзяленняў ракетных войск і артылерыі, ва ўзаемадзеянні з авіяцыяй ПКС Расіі, ВПС і войск СПА Беларусі нанеслі контрудар, разграміўшы саперніка. Падчас усіх этапаў вайскоўцаў падтрымлівалі авіяцыя і артылерыя.У небе можна было ўбачыць самалёты Су-30СМ, Су-35С, ракетаносцы-бамбардзіроўшчыкі Ту-22М3, Су-25 і Як-130, верталёты Мі-24. На зямлі ў контрудары ўдзельнічалі танкі Т-72Б, Т-80, баявыя машыны пяхоты БМП-2, БТР-82А.За ходам вучэнняў назіралі дзяржсакратар Саюзнай дзяржавы Дзмітрый Мезенцаў, дзяржаўны сакратар Савета бяспекі Беларусі Аляксандр Вальфовіч, кіраўнік Мінабароны Беларусі Віктар Хрэнін і камандуючы войскамі Усходняй ваеннай акругі Расіі Аляксандр Чайко.Таксама спецыяльна запрошаны ваенныя аташэ Літвы і Латвіі, Чэхіі, Польшчы, Германіі, Кітая і іншых краін.У аснову практычных дзеянняў войск быў пакладзены вопыт апошніх узброеных канфліктаў з улікам аналізу развіцця падзей, якія адбываюцца вакол Беларусі і Расіі, недружалюбных пасылаў і неабгрунтаванай канцэнтрацыі войск на заходніх і паўднёвых рубяжах Саюзнай дзяржавы.План вучэнняў на суботуМінабароны Беларусі абнародавала вучэбна-баявыя задачы, якія вайскоўцы павінны выканаць 19 лютага на розных палігонах.На "Гожскім" падраздзяленні механізаванай брыгады адпрацоўваюць складаныя пытанні вядзення вучэбнага бою. На палігоне "Брэсцкі" сілы спецаперацый, дэсантнікі і мотастралковыя падраздзяленні вырашаюць задачы выхаду ў раён аднаўлення баяздольнасці і знішчэння незаконных узброеных фарміраванняў. На ўчастку мясцовасці "Баранавічы" пераследуюць умоўнага саперніка ў кантэксце аднаўлення лініі Дзяржмяжы.У "Асіповічах" нясуць баявое дзяжурства расійскія ракетныя падраздзяленні.Пад Гомелем і на ўчастку мясцовасці "Мар’іна Горка" вядуць барацьбу з дыверсійна-разведвальнымі групамі верагоднага саперніка. На ўчастку "Пінск" рэпеціруюць разведвальна-баявыя дзеянні на часова захопленай тэрыторыі.Таксама выконваць пастаўленыя задачы вайскоўцы працягваюць на ўчастках мясцовасці "Лунінец", "Мазыр" і "Рэчыца".Ваенныя вучэнні Мінска і МасквыЦяпер на беларускай тэрыторыі прадаўжаецца вучэнне "Саюзная рашучасць-2022", якое пачалося 10 лютага і завершыцца 20 лютага.У Маскве і Мінску на заклапочанасць Захаду з гэтай нагоды ўжо неаднаразова заяўлялі, што расійскія вайскоўцы пасля вучэнняў вернуцца ў пункты пастаяннай дыслакацыі, а пагрозы ўварвання на тэрыторыю Украіны няма, гэта ўсё называюць домысламі.Адзначым, што на вучэнні ў Беларусь прыбыў шэраг часцей і падраздзяленняў Усходняй ваеннай акругі са штатным узбраеннем. У прыватнасці, была перабазіравана сістэма СПА далёкага дзеяння С-400, дывізіён комплексаў СПА малой далёкасці "Панцирь-С", шматмэтавыя знішчальнікі чацвёртага пакалення Су-35 і штурмавыя самалёты Су-25СМ.У РФ лічаць, што занепакоенасць сусветнай супольнасці павінны выклікаць не рэгулярныя манеўры краін-саюзніц, аб якіх паведамляецца загадзя, а сур’ёзныя пастаўкі зброі Кіеву.Так, ЗША значна павялічылі аб’ём вайсковай дапамогі Украіне. У МЗС РФ адзначалі, што з пачатку 2022 года ў Кіеве прызямліліся больш за 40 амерыканскіх ваенна-транспартных самалётаў. А з 2014 года ЗША патрацілі на ваенную дапамогу Украіне 2,7 мільярда долараў. Дэярждэп ЗША заяўляе аб тым, што мае намер і далей аказваць фінансавую падтрымку Украіне ў тым ліку і па пытаннях узбраенняў.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:

https://bel.sputnik.by/20220219/lukashenka--putsn-nazrayuts-z-kramlya-za-puskam-balstychnykh-raket-1060544524.html

2022

Навіны

ru_BY

вучэнне, ваенныя вучэнні, "саюзная рашучасць-2022", саюзная дзяржава, вайскоўцы, бяспека