Цэнтрвыбаркам сёння праверыць гатоўнасць камісій да рэферэндуму

© Sputnik / Виктор ТолочкоЦВК
ЦВК - Sputnik Беларусь, 1920, 21.02.2022
Падпісацца
Датэрміновае галасаванне пачнецца ў Беларусі ўжо заўтра, участкі возьмуць пад ахову супрацоўнікі міліцыі.
МІНСК, 21 лют – Sputnik. Цэнтрвыбаркам сёння правядзе праверку гатоўнасці тэрытарыяльных і ўчастковых камісій да работы ў дзень рэферэндуму, паведамілі ў ЦВК.
"Сёння, у адпаведнасці з каляндарным планам падрыхтоўкі і правядзення рэферэндуму, будзе праверана гатоўнасць выбарчых камісій. Гэта заўсёды праводзіцца за дзень да пачатку датэрміновага галасавання", – распавялі Sputnik у ЦВК.
Там нагадалі, што ў адпаведнасці з выбарчым заканадаўствам датэрміновае галасаванне пачнецца за 5 дзён да асноўнага дня рэферэндуму – гэта значыць у аўторак, 22 лютага.
Выбаршчык мае права прагаласаваць датэрмінова з 22 па 26 лютага. Гэта можна будзе зрабіць з 10:00 да 14:00 ці з 16:00 да 19:00.
Як паведамілі ў МУС, сёння беларуская міліцыя за дзень да пачатку датэрміновага галасавання, перайшла на ўзмоцнены варыянт нясення службы, згодна з заканадаўствам, пад ахову будуць узяты выбарчыя ўчасткі, на якія завезены ўрны для галасавання і бюлетэні.
Ва ўзмоцненым рэжыме на рэферэндуме будуць працаваць і беларускія ратавальнікі. У асноўны дзень галасавання на выбарчых участках будуць працаваць больш за 5 тысяч супрацоўнікаў МНС.
У асноўны дзень участкі будуць адкрыты з 8:00 да 20:00. У спіскі для галасавання ўключана больш за 6,8 мільёна грамадзян Беларусі.
На рэферэндуме працуе больш за 40 тысяч унутраных назіральнікаў, ужо акрэдытавана больш за 100 міжнародных назіральнікаў ад СНД, ШАС і шэрага Цэнтрвыбаркамаў краін СНД.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Макей: Мінск будзе дабівацца ад БДІПЧ АБСЕ аб'ектыўных адносін да выбараў
КДБ Беларусі затрымаў групу людзей, якія рыхтавалі зрыў рэферэндуму – дзяржТБ
Участкі для правядзення рэферэндуму абсталююць трывожнымі кнопкамі
Мінск ужо акрэдытаваў амаль 130 міжнародных назіральнікаў на рэферэндум
Можна і датэрмінова: выбаршчыкаў запрашаюць узяць удзел у рэферэндуме
Стужка навiн
0