Референдум 27 февраля - Sputnik Беларусь, 1920
Папраўкі ў Канстытуцыю Беларусі
Аляксандр Лукашэнка восенню 2020 года заявіў аб неабходнасці правесці канстытуцыйную рэформу. Да канца 2021 года быў падрыхтаваны праект Асноўнага Закона, чакаецца, што яго вынясуць на рэферэндум у лютым 2022-га.

Больш, чым планавалася: ЦВК зрабіла справаздачу па яўцы на рэферэндум

© Sputnik / Виктор ТолочкоРэферэндум па Канстытуцыі
Рэферэндум па Канстытуцыі - Sputnik Беларусь, 1920, 27.02.2022
Падпісацца на
НовостиTelegram
Рэферэндум па змяненнях і дапаўненнях у Канстытуцыю Беларусі ўжо адбыўся, раней заявілі ў Цэнтрвыбаркаме.
МІНСК, 27 лют – Sputnik. Яўка беларускіх грамадзян на ўчасткі для галасавання склала 74,86% - гэта дадзеныя на 18:00, заявіў кіраўнік ЦВК Ігар Карпенка.
Больш за ўсё прагаласавала ў Віцебскай вобласці – 78,03% выбаршчыкаў, менш за ўсё – у Мінску: 67,48%. У Гомельскай вобласці на гэты час прагаласавала 77,46%, у Магілёўскай – 76,98%, у Мінскай – 75,97%, у Брэсцкай – 75,92%, у Гродзенскай – 74,82%.
Да поўдня асноўнага дня галасавання па рэферэндуме яўка грамадзян склала 52,85% - у адпаведнасці з заканадаўствам можна лічыць, што рэферэндум адбыўся.
Карпенка нагадаў, што ўчасткі яшчэ не зачынены, прагаласаваць на рэферэндуме можна будзе да 20:00. Пасля гэтага пачнецца падлік галасоў. Цалкам верагодна, што вынікі рэферэндуму будуць вядомы ўжо апоўначы.
Раней у ЦВК заяўлялі, што галасаванне ў асноўны дзень праходзіць спакойна, у дзелавым рэжыме, "гэта могуць пацвердзіць тысячы наглядальнікаў".

Рэферэндум-2022

Асноўны дзень для галасавання на рэферэндуме праходзіць 27 лютага, у нядзелю прагаласаваў і прэзідэнт краіны Аляксандр Лукашэнка.
У бюлетэні адно пытанне: "Ці прымаеце Вы змяненні і дапаўненні Канстытуцыі Рэспублікі Беларусь?" – і два варыянты адказу: "так" ці "не".
Беларусам прапануецца надзяліць Усебеларускі народны сход новымі паўнамоцтвамі, якія зробяць яго вышэйшым прадстаўнічым органам улады, што вызначае знешнюю і ўнутраную палітыку краіны.
Паводле рэдакцыі новай Канстытуцыі, рэспубліка выключае ваенную агрэсію ў бок іншых дзяржаў - гэта палажэнне замяняе вызначэнне Беларусі як бяз'ядзернай і нейтральнай краіны. Дадаецца, што наша краіна будзе развіваць атамную энергетыку ў мірных мэтах.
Акрамя таго, замацавана паняцце шлюбу як саюзу мужчыны і жанчыны. Дададзена, што праява патрыятызму з'яўляецца асноўным абавязкам кожнага грамадзяніна краіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка прагаласаваў на рэферэндуме па папраўках у Канстытуцыю
Швед: спробы сарваць рэферэндум будуць спыняцца і карацца
Каранік і Караеў расказалі, навошта патрэбны папраўкі ў Канстытуцыю
Рэферэндум у Беларусі праходзіць адкрыта – назіральнікі СНД
Рэферэндум у Беларусі адбыўся - ЦВК
Стужка навiн
0