Каранік і Караеў расказалі, навошта патрэбны папраўкі ў Канстытуцыю
© Sputnik / Инна Гришук
Падпісацца
Памочнік прэзідэнта па Гродзенскай вобласці Юрый Караеў і гродзенскі губернатар Уладзімір Каранік галасавалі ў гродзенскай гарадской гімназіі.
ГРОДНА, 27 лют – Sputnik, Іна Грышук. Юрый Караеў і Уладзімір Каранік прынялі ўдзел у рэферэндуме ў нядзелю, 27 лютага, і расказалі на выбарчым участку ў Гродне, навошта патрэбны папраўкі ў Канстытуцыю Беларусі.
Па словах Юрыя Караева, ён з самай раніцы сачыў за тым, як праходзіць рэферэндум у Гродне і вобласці, стэлефаноўваўся са старшынямі выбарчых камісій.
"Старшыні камісій пацвярджаюць, што сапраўды небывалая актыўнасць грамадзян. Людзі ідуць без усялякіх разнарадак, спакойна. Усё разгрупавана па днях. Многія вырашылі прыйсці ў асноўны дзень", – адзначыў Караеў, дадаўшы, што насельніцтва вобласці разумее неабходнасць зрабіць свой выбар.
Юрый Караеў на рэферэндуме па Канстытуцыі
© Sputnik / Инна Гришук
Ён таксама адказаў, чаму важна і трэба ўдзельнічаць у рэферэндуме па папраўках у Канстытуцыю:
"Я галасую і за патрыятызм, і за мір, і за працяг нацыі, шлюб – гэта саюз мужчыны і жанчыны, і за нармальныя чалавечыя каштоўнасці, і за гістарычную каштоўнасць. Літаральна ўсё кранае кожнага чалавека з тых змяненняў, якія ўнеслі ў Канстытуцыю. За мір. А мы павінны абараніць яго ў гэты трывожны час".
Старшыня Гродзенскага аблвыканкама Уладзімір Караеў таксама прызнаў высокую яўку на выбарчых участках, растлумачыў гэта тым, што напярэдадні рэферэндуму ішла актыўная падрыхтоўчая работа, абмеркаванні.
"Змяненні ў Канстытуцыю – усёабдымныя, яны дазволяць захаваць і прымножыць усё лепшае, што было створана за гады незалежнай Беларусі. Пры гэтым яны дазволяць захаваць гістарычную памяць беларускага народа і дадуць новы імпульс развіццю краіны. Сапраўды, гэта закране ўсе сферы дзейнасці – і традыцыйныя каштоўнасці, і гістарычная памяць, павысіцца роля грамадзянскай супольнасці, актыўнае партыйнае будаўніцтва, змяненні ў палітычнай сістэме. Гэта забяспечыць, па-першае, развіццё, па-другое, спакойную будучыню для нашай краіны. Таксама істотна павысіць устойлівасць дзяржавы да знешніх пагроз, што ў наш неспакойны час вельмі важна", - растлумачыў Каранік.
У заключэнне ён дадаў, што кожны, хто прыйшоў на выбарчы ўчастак, галасуе за спакойную будучыню краіны, за развіццё, за спакойную будучыню дзяцей і ўнукаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка прагаласаваў на рэферэндуме па папраўках у Канстытуцыю
Рэферэндум у Беларусі праходзіць адкрыта – назіральнікі СНД
Рэферэндум у Беларусі: як яго ацэньваюць міжнародныя назіральнікі - відэа
Бо тут жывём: некаторыя мінчане прыйшлі на ўчасткі яшчэ да адкрыцця
