Долар больш за 3 рублі: як банкі рэагуюць на тое, што адбываецца?

© Sputnik / Владимир Трефилов / Перайсці ў медыябанкДолары ЗША
Долары ЗША - Sputnik Беларусь, 1920, 28.02.2022
Падпісацца на
НовостиTelegram
У Нацбанку запэўніваюць, што банкаўскі сектар рэспублікі функцыянуе стабільна і мае "дастатковы запас трываласці для выканання ўсіх задач, што стаяць перад ім".
МІНСК, 28 лют - Sputnik. Долар і еўра на фоне падзей, якія адбываюцца ва Украіне і антырасійскіх санкцый, уведзенымі краінамі Захаду, значна падаражэлі ў панядзелак, сведчаць анлайн-курсы беларускіх банкаў.
У большасці банкаў пасля таргоў на валютна-фондавай біржы курс долара ўстаноўлены на ўзроўні 3,2—3,3 рублі (продаж). За 2,75-2,90 рублі банк купляе амерыканскую валюту.
Самы танны курс па стане на 11.50 - у "БелЗЭБ", банк да гэтага часу прадае долар па старым курсе за 2,585 беларускіх рублі. Таксама ў некаторых банках долар можна купіць за 2,999 рублі - у "Абсалютбанку", "Тэхнабанку", "Альфа-Банку", "БСБ Банку" і іншых банках з прыватным капіталам.
Што да курсу еўра, большасць банкаў прадаюць адзін намінал за 3,6 рублі. У некаторых месцах яго можна знайсці за 3,3-3,4 рублі, у банку "БелЗЭБ" да гэтага часу дзейнічае стары курс - 2,96 рублі. Еўрапейскую валюту банкі набываюць у сярэднім за 3,1 рублі. Значна адрозніваецца курс у "Белінвестбанку": тут яго купляюць за 3,35 беларускага рублі.

Што паўплывала на рост?

Долар ЗША і еўра ўпершыню за доўгі час падаражэлі ў чацвер, 24 лютага - адразу пасля падзей, якія разгортваюцца на Украіне. Тады амерыканская валюта падскочыла ў кошце з 2,64 да 2,86-2,90 рублёў за адзін намінал. Кошт еўра ўсталяваўся ў раёне 3,02 рублі, хоць 23 лютага быў яшчэ ніжэй за 3 рублі.
Значны ўплыў на рост курсаў валют аказваюць падзеі вакол Украіны і санкцыі Захаду, уведзеныя супраць Беларусі і Расіі.
Неабходна ўлічваць, што банкі могуць мяняць курсы на працягу дня. Таргі на валютных біржах праводзяцца ў першай палове дня, а канчатковыя стаўкі фарміруюцца да абеду.
У Нацбанку запэўніваюць, што банкаўскі сектар рэспублікі працуе стабільна і мае "дастатковы запас трываласці для выканання ўсіх задач, што стаяць перад ім, ва ўмовах узмацнення геапалітычнай напружанасці і пашырэння санкцыйнага ціску з боку шэрага дзяржаў".
>>> Самая актуальная інфармацыя аб перамовах Расіі і Украіны - у Telegram-канале Sputnik Беларусь
Чытайце таксама:
Сярэдні заробак у Беларусі сур’ёзна ўпаў і ў рублях, і ў доларах
Золатавалютныя рэзервы Беларусі выраслі на 100 млн долараў
Знешні дзярждоўг Беларусі зноў знізіўся
Стужка навiн
0