Кіраўнік Міністэрства аховы здароўя выказаўся аб павышаным попыце беларусаў на лекі

© Sputnik / Виктор ТолочкоМіністр аховы здароўя Беларусі Дзмітрый Піневіч
Міністр аховы здароўя Беларусі Дзмітрый Піневіч - Sputnik Беларусь, 1920, 12.03.2022
Падпісацца на
Yandex newsTelegram
Збояў з пастаўкамі медыкаментаў і іх недахопу ў беларускіх аптэках не чакаецца, запэўніваюць у Міністэрстве аховы здароўя; усе кантракты агавораны з пастаўшчыкамі, ёсць запасы на складах і ўласная вытворчасць.
МІНСК, 12 сак - Sputnik. Павышаны попыт на лекі, які назіраўся ў апошнія тыдні, быў поўнасцю задаволены, заявіў кіраўнік Міністэрства аховы здароўя Беларусі Дзмітрый Піневіч.
З-за ўведзеных у дачыненні да Беларусі санкцый і абмежаванняў у насельніцтва могуць узнікаць апасенні застацца без тых ці іншых лекавых прэпаратаў, пагадзіўся міністр.
"Вядома, розныя асцярогі ў сувязі са становішчам у свеце ў людзей могуць узнікаць. Гэта выявілася нават у тым, што за апошнія два тыдні рост тавараабароту аптэчнай сеткі склаў 25%. Пры гэтым - мы поўнасцю задаволілі попыт", - цытуе Піневіча telegram-канал міністэрства аховы здароўя.
У той жа час, паводле слоў міністра, з замежнымі пастаўшчыкамі прагавораны ўсе кантракты, ніводзін з іх не адмовіўся ад паставак заяўленых раней медыкаментаў у Беларусь.

Збояў з медыкаментамі не будзе

Асноўныя праблемы з пастаўкамі лекаў з-за мяжы могуць узнікнуць зыходзячы з лагістыкі аплаты і дастаўкі прэпаратаў, удакладніў Піневіч.
"Але ў нас ёсць добрыя запасы прадукцыі на складах, астаткаў хопіць на 3-6 месяцаў мінімум. Збояў у плане медыкаментаў у нас не будзе", - сказаў Піневіч.
Міністр нагадаў, што ў Беларусі "прамысловасць выпускае больш за 50 працэнтаў айчынных прэпаратаў", што стварае пэўную падушку бяспекі ў забеспячэнні насельніцтва і медустаноў.
"Асноўныя пытанні мы закрываем праз уласную вытворчасць лекаў. Аб'ём прамысловай вытворчасці, увод новых прэпаратаў праводзіцца ва ўсіх прадпрыемствах. Усе заводы рэнтабельныя і палепшылі свае вытворчыя паказчыкі", - сказаў Піневіч.
Раней у Міністэрстве аховы здароўя краіны таксама паведамілі, што лекі, якія пастаўляліся ў Беларусь з Украіны, будуць заменены ў рэспубліцы айчыннымі і замежнымі аналагамі, цяпер пастаўкі імпартных прэпаратаў прадаўжаюць весціся ў краіну амаль штодзень.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Больш за палову насельніцтва Беларусі: Мінздароўя назвала колькасць вакцынаваных
Міністэрства аховы здароўя запэўніла, што лекаў у Беларусі хапае
Мінздароўя: пандэмія можа скончыцца, а каронавірус - стаць сезонным да восені
Стужка навiн
0