Міністэрства аховы здароўя расказала аб сітуацыі з імпартнымі лекамі

© Sputnik / Валерий Титиевский / Перайсці ў медыябанкРабота аптэкі
Работа аптэкі - Sputnik Беларусь, 1920, 16.03.2022
Падпісацца
Лекі ад замежных вытворцаў працягваюць паступаць у Беларусь - праблем з дастаўкамі няма, запэўніў кіраўнік ведамства.
МІНСК, 16 сак - Sputnik. Попыт у беларускіх аптэках на медпрэпараты за апошнія тыдні вырас на 25%, паведаміў міністр аховы здароўя Дзмитрый Піневіч.
Ён падкрэсліў, што зараз сітуацыя з пастаўкамі лекаў стабільная. Праўда, кошты на іх зараз іншыя.
"Сёння імпартныя лекі паступаюць. Так, пасля змянення лагістыкі паставак у многіх з іх новыя цэны і ажыятаж спаў. Перабояў няма", - заявіў кіраўнік ведамства.
У першую чаргу важна забяспечыць медпрэпаратамі ўласны рынак, але пры гэтым Міністэрства аховы здароўя не супраць, каб беларускія лекі вырабляліся і для іншых краін. Цяпер таксама стаіць задача імпартазамяшчэння.
"Пытанне ў тым, каб на ўсе выклікі нашы спецыялісты маглі адказаць новай вытворчасцю. Так мы закрылі, напрыклад, пытанне па каронавіруснай вакцыне", - нагадаў Дзмітрый Піневіч.

Лекаў хапае

Як ужо раней заяўляла прэс-служба Міністэрства аховы здароўя, медпрэпаратаў у аптэках і бальніцах па ўсёй краіне дастаткова.
У ведамстве падкрэслілі: уведзеныя Захадам санкцыі ў дачыненні да Расіі не датычацца фармгаліны і не паўплываюць на пастаўкі лекаў у Беларусь. Таксама хапае і такіх медыцынскіх тавараў, як фізраствор, вата, бінты і іншага перавязачнага матэрыялу, яны вырабляюцца на прадпрыемствах рэспублікі.
А вось лекі, якія пастаўляліся ў Беларусь з Украіны, заменяць айчыннымі і замежнымі аналагамі.
>>> Больш актуальнай інфармацыі – у Telegram-канале Sputnik Беларусь
Таксама на Sputnik:
Кіраўнік Міністэрства аховы здароўя выказаўся аб павышаным попыце беларусаў на лекі
Больш за палову насельніцтва Беларусі: Мінздароўя назвала колькасць вакцынаваных
Міністэрства аховы здароўя запэўніла, што лекаў у Беларусі хапае
Стужка навiн
0