Прэм'ер Беларусі расказаў, як разлічваецца бізнес з партнёрамі ў Расіі

© Sputnik / Перайсці ў фотабанкПрэм'ер-міністр Беларусі Раман Галоўчанка
Прэм'ер-міністр Беларусі Раман Галоўчанка
 - Sputnik Беларусь, 1920, 31.03.2022
Падпісацца на
Yandex newsTelegram
Беларускія прадпрыемствы плацяць за тавары і паслугі партнёрам з далёкага замежжа ў той валюце, якой зручна абодвум бакам.
МІНСК, 31 сак - Sputnik. Рэгіянальныя валюты пачынаюць адыгрываць усё большую ролю ў міжнародных разліках, заявіў журналістам прэм'ер-міністр Беларусі Раман Галоўчанка, паведамілі ў прэс-службе ўрада.
Паводле яго слоў, у экспертным асяроддзі распаўсюджана думка аб тым, што надыходзіць час дыктату рэгіянальных валют. Парушэнне гегемоніі долара нервуе Злучаныя Штаты. Тым не менш працэс гэты носіць незваротны характар.
Пасля чаго прэм'ер дадаў, што гэта "залаты час" для краін, якія валодаюць дастаткова моцнай эканомікай і буйнымі памерамі, каб іх рэгіянальныя валюты, да якіх адносіцца і расійскі рубель, каб яны адыгрывалі ўсё большую ролю ў міжнародных разліках.
"Мы цяпер разлічваемся з партнёрамі ў Расіі ў расійскіх рублях. З партнёрамі ў Заходняй Еўропе і ў краінах Азіяцкага і Афрыканскага рэгіёну мы разлічваемся ў розных валютах", - удакладніў Раман Галоўчанка.
Пры гэтым ён зазначыў, што гэта могуць быць і долары, і еўра, калі гэта камусьці зручна. Таксама разлікі з партнёрамі ідуць у кітайскіх юанях.
Раней стала вядома, што Беларусь і Расія дасягнулі пагаднення аб пераводзе ўзаемаразлікаў за пастаўленыя энергарэсурсы ў расійскія рублі. Пры гэтым выплаты па крэдытах, выдадзеных афіцыйнай Масквой для Мінска, таксама перавялі на расійскую валюту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пецярбург і Беларусь прынялі праграму супрацоўніцтва да 2026 года
Беларусь хоча выкарыстоўваць порт Бронка
Галоўчанка назваў аснову бяспекі і суверэнітэту Беларусі
Стужка навiн
0