Больш за 6,1 млн беларусаў прышчапіліся ад каронавіруса

© Sputnik / Илья Наймушин / Перайсці ў медыябанкМедработнік
Медработнік  - Sputnik Беларусь, 1920, 13.04.2022
Падпісацца на
НовостиTelegram
На гэты час ад каронавіруса прышчапіліся больш як 65% насельніцтва Беларусі.
МІНСК, 13 кра - Sputnik. Больш за 6,1 мільёны беларусаў ужо прышчапіліся ад каронавіруса, паведамілі ў прэс-службе Міністэрства аховы здароўя рэспублікі.
Па дадзеных ведамства, па стане на 12 красавіка бягучага года поўны курс вакцынацыі прайшлі 5, 62 мільёны чалавек.
"Больш за 6,103 мільёны беларускіх грамадзян атрымалі адну дозу вакцыны супраць COVID-19", - сказалі ў Міністэрстве аховы здароўя.
Там таксама ўдакладнілі, што ў краіне працягваецца кампанія па вакцынацыі падлеткаў (ад 12 да 17 гадоў) - адну дозу прэпарата ўжо атрымалі звыш 95,4 тысячы дзяцей, з іх больш за 71,7 тысячы - прайшлі поўны курс.
"Такім чынам, ахоп адной дозай вакцыны склаў 65,3% ад агульнай колькасці насельніцтва краіны, поўным курсам вакцынацыі - 60,1%", - заключылі ў міністэрстве.

Небяспечны "стэлс"

Судзячы па статыстыцы апошніх дзён, лекары фіксуюць невысокае захворванне на каронавірус - каля 300-400 чалавек у суткі. Раней кіраўнік Міністэрства аховы здароўя Дзмітрый Піневіч прагназаваў выхад Беларусі з чацвёртай хвалі COVID-19. На яго думку, гэта фінальная хваля ў фармаце пандэміі, у далейшым вірус набудзе ўласцівасці сезоннага.
Нагадаем, у канцы сакавіка на тэрыторыі Беларусі інфекцыяністы ўпершыню выявілі новы падвід "амікрона" - варыянт "стэлс".
Цяпер фіксуецца рост выпадкаў захворвання на COVID-19 у краінах Азіі і Еўропы з-за высокай заразнасці "стэлса". Навукоўцы чакаюць, што ён можа стаць пераважным у свеце. У Беларусі гэты варыянт пакуль не пераважае, зазначаюць медыкі.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Здымаюцца ўсе абмежаванні на перамяшчэнне паміж Расіяй і Беларуссю
Турфірмы папрасілі адтэрміноўку на вяртанне грошай за пуцёўкі
Ізраіль пачне пускаць усіх турыстаў – але ёсць некалькі ўмоў
Стужка навiн
0