Урад павялічыць фінансаванне распрацовак навукаёмістых тэхналогій

© Sputnik / Рамиль Ситдиков / Перайсці ў фотабанкРаспрацоўка вакцыны ў лабараторыі
Распрацоўка вакцыны ў лабараторыі
 - Sputnik Беларусь, 1920, 19.04.2022
Падпісацца на
Yandex newsTelegram
Фінансаванне дзяржаўнай праграмы "Навукаёмістыя тэхналогіі і тэхніка" будзе павялічана больш як на 190 мільёнаў рублёў.
МІНСК, 19 кра - Sputnik. На рэалізацыю дзяржаўнай праграмы "Навукаёмістыя тэхналогіі і тэхніка" будзе накіравана больш за 546 мільёнаў рублёў, аб гэтым гаворыцца ў пастанове Саўміна №230 ад 15 красавіка 2022 года, якая афіцыйна апублікавана на Нацыянальным прававым інтэрнет-партале.
З рэспубліканскага бюджэту на гэтыя патрэбы плануецца выдзеліць звыш 473 мільёнаў рублёў - гэта больш як у два разы больш за запланаванае раней.
З гэтых сродкаў 675 тысяч рублёў будзе выдзелена з рэспубліканскага цэнтралізаванага інавацыйнага фонду, 8,5 мільёнаў - з Беларускага інавацыйнага фонду на зваротнай аснове.
Больш за 62 мільёны рублёў арганізацыі павінны самастойна выдзеліць на рэалізацыю праграмы, больш за 2,5 мільёны рублёў яны атрымаюць у якасці крэдытаў. Гэта праграма павінна паскорыць тэхналагічнае і прамысловае развіццё беларускіх галін народнай гаспадаркі праз стварэнне і ўкараненне там новых і высокіх тэхналогій.
Гэта неабходна для вытворчасці ў краіне навукаёмістай канкурэнтаздольнай прадукцыі і нарошчвання экспартнага патэнцыялу Беларусі. Яшчэ адна яе мэта - фарміраванне ў краіне навукова-тэхнічнага і навукова-тэхналагічнага зачыну для стварэння інавацыйнай прадукцыі і развіцця навукаёмістых галін эканомікі.
Мерапрыемствы гэтай праграмы дадуць дадатковае развіццё розных галін рэальнага сектара эканомікі Беларусі, гаворыцца ў дакуменце.
Пастанова ўступае ў сілу з дня яе прыняцця.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Чытайце таксама:
Цэнтр вірусалогіі створаць у Беларусі
Лукашэнка назваў умовы з'яўлення ў Беларусі новых навукоўцаў сусветнага ўзроўню
Лукашэнка назваў самыя каштоўныя якасці беларускіх навукоўцаў
Стужка навiн
0