Больш за 200 машын прынялі ўдзел у аўтапрабегу да 9 мая ў Брэсце

© Sputnik / Светлана ЯценюкАўтапрабег у Брэсце
Аўтапрабег у Брэсце - Sputnik Беларусь, 1920, 07.05.2022
Падпісацца на
НовостиTelegram
Аўтапрабег "Мы памятаем! Мы ганарымся!" адбыўся сёння па маршруце Брэсцкая крэпасць – вёска Дрэмлева Жабінкаўскага раёна.
БРЭСТ, 7 мая – Sputnik. Удзельнікі аўтапрабегу збіраліся на паркоўцы каля Брэсцкай крэпасці. Адсюль калона аўтамабіляў збіралася стартаваць у вёску Дрэмлева, якую ў 1942 годзе спалілі фашысты. Сёння на месцы трагедыі ўстаноўлены мемарыяльны комплекс. У памяць аб гэтай трагедыі і быў арганізаваны аўтапрабег.
Сярод удзельнікаў – прадстаўнікі кіраўніцтва Брэста і Жабінкі, актывісты розных арганізацый і жыхары горада. Многія вырашылі ўдзельнічаць у акцыі ўсёй сям’ёй. Напрыклад, вялікай кампаніяй на аўтапрабег прыехала сям’я Дзямчук. Пра акцыю даведаліся з інтэрнэту. У сям’і Дзямчук былі ўдзельнікі Вялікай Айчыннай вайны, таму 9 мая – для іх важнае свята і ўдзел у розных гарадскіх акцыях да Дня Перамогі стаў ужо своеасаблівай традыцыяй.
© Sputnik / Светлана ЯценюкАўтакалона каля Брэсцкай крэпасці
Автоколонна у Брестской крепости - Sputnik Беларусь, 1920, 07.05.2022
Аўтакалона каля Брэсцкай крэпасці

"Лічу абавязкам прыняць удзел у аўтапрабегу "Мы памятаем! Мы ганарымся!". Мы павінны памятаць тых, хто аддаў жыццё за свабоду і незалежнасць нашай Радзімы ў гады Вялікай Айчыннай вайны", - падзяліўся Віктар Дзямчук.

Прыняла ўдзел у акцыі брэстаўчанка Таццяна Шапялевіч. Такім чынам яна вырашыла падтрымаць гэтую акцыю і паказаць, што моладзь таксама памятае і шануе гісторыю.
© Sputnik / Светлана ЯценюкУскладанне кветак у Брэсцкай крэпасці
Возложение цветов у Брестской крепости - Sputnik Беларусь, 1920, 07.05.2022
Ускладанне кветак у Брэсцкай крэпасці
Перад стартам удзельнікі аўтапрабегу ўсклалі кветкі да Вечнага агню ў Брэсцкай крэпасці. А затым калона з больш за 200 машын адправілася ад сцен Брэсцкай крэпасці ў Дрэмлева. Там адбыўся мітынг. У рамках яго ўрачыста была адкрыта тумба з QR-кодам, на які навёўшы смартфон можна падрабязней даведацца пра падзеі, што адбыліся на гэтым месцы. Акрамя таго, у гэты год да 11 верасня – у дзень 80-годдзя з дня трагедыі – плануецца абнавіць мемарыял.
"Сумесна з мецэнатам мы зробім абнаўленне самой падкладкі кампазіцыі, абновім імітацыю дамоў, якія стаялі на гэтым месцы, падсыплем чырвоным гравіем дарожкі і ўсталюем новую абноўленую назву вёскі", - расказаў старшыня Жабінкаўскага райвыканкама Вадзім Краўчук.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Фотафакт: кіраўнік МУС усклаў вянок каля Кургана Славы
Удзельнік шэсця на Краснай плошчы з Беларусі: гэта мая місія
З канцэртамі, феерверкам, але без парада: як пройдзе 9 Мая ў Мінску
"Шэсце пакаленняў" пройдзе 9 мая ў Мінску
Беларускія ветэраны 9 мая пройдуць па Краснай плошчы
Стужка навiн
0