Сасновіч прайграла на тэнісным турніры ў Рыме

© AFP 2022 / MEGAN BRIGGSБеларуская тэнісістка Аляксандра Сасновіч
Беларуская тэнісістка Аляксандра Сасновіч - Sputnik Беларусь, 1920, 12.05.2022
Падпісацца на
Yandex newsTelegram
Беларуска не здолела прабіцца ў трэці круг прэстыжнага турніру ў Рыме з прызавым фондам 2,5 мільёна долараў.
МІНСК, 12 мая – Sputnik. Беларуская тэнісістка Аляксандра Сасновіч у паядынку 1/16 фіналу турніру катэгорыі WTA-1000 у Рыме саступіла трэцяй ракетцы планеты іспанцы Пауле Бадосе, паведамляе Sputnik.
Так, у паядынку беларуска, якая займае зараз 50-ю пазіцыю ў сусветным рэйтынгу, прайграла ў дзвюх партыях тэнісістцы з Іспаніі з лікам 2:6 і 1:6. Зараз у 1/8 фіналу іспанцы Пауле Бадоса трэба будзе пазмагацца з расіянкай Дар’яй Касаткінай.
У стартавым матчы Сасновіч атрымала перамогу ў трохсэтавым паядынку са спартсменкай з Расіі Веранікай Кудэрметавай – 3:6, 7:6 (7:4), 6:1.
Раней яшчэ адна беларуска – восьмая ракетка планеты Арына Сабаленка – здолела выйсці ў трэці круг гэтага прэстыжнага турніру. Яна стартавала на турніры ў сераду, 11 мая, адразу з другога круга спаборніцтваў і абгуляла кітаянку Чжан Шуай (42) з лікам 6:2, 6:0. У 1/8 фіналу яе саперніцай будзе амерыканка Джэсіка Пегула (11-я).
Вікторыя Азаранка (16-я) таксама атрымала перамогу ў 1/16 фіналу, яна абгуляла калумбійскую тэнісістку Асорыю Серана (58-я) - 6:2, 6:4. У матчы за трапленне ў чвэрцьфінал яна згуляе з першай ракеткай свету полькай Ігай Свёнтэк.
Турнір у Рыме з прызавым фондам больш за 2,5 мільёна еўра завершыцца 15 мая.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Сабаленка атрымала першую перамогу на турніры ў Рыме
Новы рэйтынг WTA: якія месцы ў Сабаленкі і Азаранкі
Беларускіх тэнісістаў адхілілі ад удзелу ва Уімблдоне
Стужка навiн
0