Чысты прыбытак МТЗ у першым квартале ўпаў у 100 разоў

© Sputnik / Виктор ТолочкоКорпус зборкі трактароў МТЗ
Корпус зборкі трактароў МТЗ - Sputnik Беларусь, 1920, 17.05.2022
Падпісацца на
Yandex newsTelegram
Акрамя таго, што на прадпрыемстве так моцна ўпаў чысты прыбытак, кароткатэрміновая частка доўгатэрміновых абавязацельстваў завода вырасла амаль у дзевяць разоў.
МІНСК, 17 мая – Sputnik. Выручка МТЗ у студзені-сакавіку 2022 года павялічылася амаль на 17,5% да 632,814 рублёў, вынікае з бухгалтарскіх справаздач прадпрыемства.
Сабекошт прададзенай прадукцыі таксама ўзрос на 31% да 550,08 мільёнаў рублёў.
Прыбытак ад продажаў скараціўся да 47,772 рублёў, і зніжэнне ў параўнанні з першым кварталам мінулага года склала 46,1%. Пры гэтым страты ад інвестыцыйнай і фінансавай дзейнасці прадпрыемства за студзень-сакавік бягучага года склалі 32,491 мільёна рублёў. У мінулым годзе ў першым квартале такія страты таксама былі, але ў меншых памерах – 31,619 мільёнаў рублёў.
Як вынік, чысты прыбытак у першым квартале склаў толькі 336 тысяч рублёў і скараціўся ў 100 разоў. У мінулым годзе за першыя тры месяцы завод атрымаў чысты прыбытак у памеры 34,050 мільёнаў рублёў.
Што да доўгатэрміновых абавязацельстваў беларускага машынабудаўнічага прадпрыемства па крэдытах і пазыках, то даныя ёсць толькі на пачатак гэтага года. Тады яны складалі 373,04 млн рублёў, а доўгатэрміновыя абавязацельствы па лізінгавых плацяжах – больш за 9,8 млн рублёў. Кароткатэрміновая частка доўгатэрміновых абавязацельстваў на 31 снежня мінулага года складала 53,073 млн рублёў, а на 31 сакавіка яна ўжо вырасла да 472,646 млн рублёў або амаль у дзевяць разоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Імпартазамяшчэнне на фоне санкцый: беларускія прадпрыемствы знайшлі выйсце
Санкцыі супраць Беларусі і РФ расхістваюць сусветную эканоміку – Галоўчанка
Беларускі экспарт у першым квартале 2022 года ўсё ж такі вырас
Без пасрэднікаў: Беларусь будзе прадаваць калійныя ўдабрэнні ў Бразілію
ВУП Беларусі скараціўся на 2% – Мінэканомікі
Стужка навiн
0