Перамовы не дапамаглі: Turkish Airlines працягнула адмену рэйсаў у Мінск

CC BY-SA 2.0 / ERIC SALARD / TURKISH AIRLINES TC-JPLСамалёты Turkish Airlines, архіўнае фота
Самалёты Turkish Airlines, архіўнае фота - Sputnik Беларусь, 1920, 17.05.2022
Падпісацца на
Yandex newsTelegram
Раней турэцкая кампанія ўжо неаднаразова адмяняла рэйсы Стамбул-Мінск, апошні раз называўся тэрмін да 31 мая.
МІНСК, 17 мая – Sputnik. Авіякампанія Turkish Airlines не будзе лятаць да 30 чэрвеня са Стамбула ў Мінск і назад, паведамілі ў Нацыянальным аэрапорце Мінск.
"Turkish Airlines паведаміла аб прадаўжэнні адмены рэйсаў са Стамбула ў Мінск і назад па 30 чэрвеня 2022 года ўключна", - гаворыцца ў паведамленні беларускай паветранай гавані.
Паводле даных самой авіякампаніі, да 30 чэрвеня яе самалёты акрамя Мінска не будуць таксама лятаць у расійскія гарады Сочы, Растоў і Екацярынбург. Ва Украіну рэйсы "Турэцкіх авіяліній" адменены пакуль да 31 мая, інфармацыі аб прадаўжэнні гэтай забароны пакуль няма.

Перамовы не дапамаглі

У мінулую пятніцу, 13 мая, генеральны консул Беларусі ў Стамбуле Аляксей Швед сустракаўся з кіраўніком прадстаўніцтва Turkish Airlines у Мінску Ісмаілам Азцюркам.
На сайце дыппрадстаўніцтва гаворыцца, што бакі абмеркавалі шэраг працоўных пытанняў, у тым ліку аднаўленне рэгулярных рэйсаў гэтага турэцкага авіяперавозчыка ў беларускую сталіцу.
Мяркуючы па працягу забароны, перамовы не далі станоўчых вынікаў.
Нагадаем, турэцкая авіякампанія перастала лятаць у Беларусь 25 лютага. З таго часу ніводны борт Turkish Airlines не прызямліўся ў рэспубліцы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Адмяняецца некалькі авіярэйсаў у Турцыю, Ізраіль і Расію
Беларусь дазволіла спрошчаны транзіт праз пагранзону да шэрага тураб’ектаў
Ездзіць у Расію на цягніку стане танней
Балгарыя і Грэцыя з 1 мая адмянілі каронавірусныя абмежаванні для турыстаў
Міністр: танныя туры ў Крым ёсць, але чамусьці беларусы пра іх не ведаюць
Стужка навiн
0