Беларусь і Кітай абмяняліся "дазволамі" на перавозку грузаў
© Sputnik / Виктор Толочко
Падпісацца
Бакі рэалізуюць урадавыя пагадненні, падпісаныя паміж рэспублікамі яшчэ ў красавіку 2019 года.
МІНСК, 19 мая – Sputnik. Беларусь і Кітай абмеркавалі дэталі запуску пілотнага праекта па выкананні грузавых аўтаперавозак паміж краінамі, паведамілі ў прэс-службе беларускага Міністэрства транспарту і камунікацый.
Перагаворы паміж транспартнымі ведамствамі прайшлі ў чацвер у рэжыме відэаканферэнцсувязі. Бакі чарговы раз пагаварылі аб механізме лагістычнага праекта па перавозцы тавараў на фурах па маршруце Кітай - Беларусь - Кітай.
У Мінтрансе адзначылі, што прадстаўнікі беларускага і кітайскага бакоў дамовіліся аб абмене тысячай дазволаў. З іх 500 – дазволы на перавозкі ў трэція краіны, яшчэ 500 – транзітныя.
"У цэлым на пасяджэнні абмяркоўвалася шырокае кола пытанняў узаемадзеяння ў сферы транспарту. Перш за ўсё, размова ішла аб практычнай рэалізацыі падпісанага ў 2019 годзе ўрадамі Беларусі і КНР пагаднення аб міжнародных аўтамабільных перавозках пасажыраў і грузаў", - удакладнілі ў беларускім транспартным ведамстве.
Па "жалезцы"
У 2020 годзе Кітай вырашыў памяняць спосаб дастаўкі свайго экспарту, пераарыентаваўшы большую частку з марскіх перавозак на чыгунку. Кітайскія электравозы едуць у Еўропу па транс’еўрапейскім калідоры, маршрут праходзіць праз Казахстан, Расію і Беларусь.
Так, напрыклад, у тым жа 2020-м праз беларускую "жалезку" было перавезена больш за мільён грузавых кантэйнераў з КНР.
Новыя правілы выдачы "дазволаў"
Нагадаем, Мінтранс Беларусі ў красавіку ўстанавіў новыя правілы выдачы дазволаў на міжнародныя аўтаперавозкі грузаў.
Кампаніі, якія займаюцца перавозкамі, павінны падаць у Транспартную інспекцыю не пазней за 30 чэрвеня 2022 года вялікі пералік дакументаў:
спісак грузавых транспартных сродкаў (новая форма),
копіі пасведчанняў аб рэгістрацыі МС,
копіі завераных дакументаў, якія пацвярджаюць адпаведнасць грузавікоў экалагічным і тэхнічным нормам,
копіі дакументаў, якія пацвярджаюць прыдатнасць фур да эксплуатацыі на дарогах,
спісак кіроўцаў (уводзіцца адпаведная форма),
копіі дакументаў, якія пацвярджаюць прафесійную кампетэнтнасць вадзіцеляў,
даведку аб выручцы ад дзейнасці па міжнароднай перавозцы грузаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Ва ўмовах санкцый: Калінінград вырашае пытанне пастаўкі беларускіх тавараў
Лукашэнка можа сустрэцца з Сі Цзіньпінам у верасні
Латвія скасавала пагадненне з Беларуссю аб перавозцы ваенных грузаў
Мінтранс падрыхтаваў пагадненне з РФ аб транспарціроўцы беларускіх грузаў
Беларусь дазволіла ўвозіць з ЕС лекі і чалавечыя органы
