"Санта Брэмар" прыпыніў пастаўкі сёмгі ў Расію

© Sputnik / Алексей Филиппов / Перайсці ў медыябанкПрадпрыемства па перапрацоўцы рыбы
Прадпрыемства па перапрацоўцы рыбы - Sputnik Беларусь, 1920, 19.05.2022
Падпісацца на
НовостиTelegram
Еўрапейскія санкцыі паўплывалі на працу многіх кампаній, бізнесу даводзіцца шукаць новых пастаўшчыкоў, закранула гэта і беларускую перапрацоўку морапрадуктаў.
МІНСК, 19 мая – Sputnik. Беларускі вытворца вымушаны быў прыпыніць пастаўкі сёмгі пад маркай "Русское море", піша "Коммерсантъ", спасылаючыся на буйных расійскіх сеткавых прадаўцоў.
Інфармацыю аб прыпыненні паставак пацвердзілі ў гандлёвай сетцы "Лента". Пры гэтым у "Ленте" прычынай прыпынення называюць дэфіцыт рыбы для перапрацоўкі.
У іншай сетцы, якую выданне не называе, сказалі, што проста абмежаваўся асартымент рыбы, якая пастаўляецца пад маркай "Русское море". Гэта звязалі з невысокім попытам на чырвоную рыбу з-за росту цэн.

"Беларускія вытворцы вырабаў з чырвонай рыбы да апошняга часу выкарыстоўвалі ласось з Нарвегіі, увоз якога ў Расію забаронены прадуктовым эмбарга 2014 года", - цытуе выданне старшыню Рыбнага саюза Аляксандра Паніна.

Акрамя Нарвегіі сёмгу вязуць з Чылі, але зноў жа з-за санкцый дастаўка з Паўднёвай Амерыкі моцна ўскладнілася, з-за чаго закупляць там рыбу стала даражэй і перапрацоўшчыкі не спяшаюцца пераходзіць на яе.
Сёмгу вырошчваюць на расійскіх прадпрыемствах, чырвоную рыбу здабываюць на Далёкім Усходзе, але аб тым, ці могуць перапрацоўшчыкі працаваць толькі з такой рыбай, выданне не піша. Згадваецца, што расійскія кампаніі зараз у асноўным выкарыстоўваюць свае запасы.
Эксперты выказалі меркаванне, што "Санта Брэмар" можа страціць частку расійскага рынку, бо ў сітуацыі, якая склалася, яе прадукцыя падаражэе.
Нагадаем, "Санта Брэмар" уваходзіць у групу кампаній "Санта", гэта адзін з найбуйнейшых вытворцаў прадуктаў харчавання ў Еўропе. У 2013 годзе "Санта Брэмар" купіў у структур Максіма Вараб’ёва і Генадзя Цімчанкі прадпрыемства па перапрацоўцы рыбы ў Падмаскоўі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Нацстат падлічыў, на колькі выраслі цэны на цукар, яблыкі і капусту
Беларусь забяспечвае сябе амаль усімі неабходнымі прадуктамі - Брыло
Рассельгаснагляд занепакоены якасцю мясамалочных прадуктаў з Беларусі
У Беларусі пачнуць вырабляць каўбасу для веганаў
Якія тавары патаннелі ў Беларусі ў красавіку, расказалі ў МАРГ
Стужка навiн
0