Эрдаган сказаў, у якім выпадку падтрымае членства Швецыі і Фінляндыі ў НАТА

© Sputnik / Алексей Никольский / Перайсці ў фотабанкПрэзідэнт Турцыі Тайіп Эрдаган
Прэзідэнт Турцыі Тайіп Эрдаган - Sputnik Беларусь, 1920, 22.05.2022
Падпісацца на
Yandex newsTelegram
Анкара раней выступіла супраць уступлення дзвюх скандынаўскіх краін у ваенны альянс, зараз бакі спрабуюць дамовіцца.
МІНСК, 22 мая – Sputnik. Прэзідэнт Турцыі Тайіп Эрдаган правёў у суботу тэлефонныя размовы з фінскім лідарам Саўлі Ніінесцё і шведскім прэм’ерам Магдаленай Андэрсан наконт магчымага ўступлення іх краін у НАТА.
У час перагавораў з прэм’ер-міністрам Швецыі Эрдаган адзначыў, што Стакгольму трэба спыніць падтрымліваць тэрарыстычныя арганізацыі. Паводле яго слоў, шведскія ўлады дапамагаюць тэрарыстам у палітычным, фінансавым і ваенным плане.
У канцылярыі турэцкага кіраўніка дзяржавы таксама адзначылі: лідар запатрабаваў, каб абмежаванні, накладзеныя Стакгольмам адносна Анкары ў абароннай прамысловасці, былі зняты.
Падобная рыторыка працягнулася ў размове з фінскім прэзідэнтам Ніінесцё. Эрдаган падкрэсліў, што ігнараваць дзейнасць тэрарыстычных арганізацый ніяк нельга. Паводле яго слоў, гэта ўяўляе пагрозу Анкары і саюзнікам па НАТА і "несумяшчальна з духам дружбы і саюза".
Турэцкі навінавы партал Sondakika, рэзюміруючы перамовы, адзначыў, што Хельсінкі "возьмуць на сябе абавязацельствы па бяспецы саюзнікаў па НАТА". Такую заяву зрабіў прэзідэнт Фінляндыі.

У якім выпадку Турцыя падтрымае Швецыю і Фінляндыю?

Таксама Эрдаган правёў перамовы з генсекам НАТА Йенсам Столтэнбергам. Ён падкрэсліў, што Анкара падтрымае ўступленне Швецыі і Фінляндыі ў ваенны альянс, калі гэтыя краіны "ясна прадэманструюць, што яны салідарны з Турцыяй наконт занепакоенасці ў сферы бяспекі". Турэцкі прэзідэнт дадаў, што ён шчыра падтрымлівае палітыку адчыненых дзвярэй НАТА.
Сам Столтэнберг заявіў, што пагадзіўся са сцвярджэннямі, што трэба ўлічваць асцярогі ў сферы бяспекі ўсіх членаў альянсу і працягнуць перагаворы для пошуку рашэння.

Пашырэнне НАТА на поўнач

Фінляндыя і Швецыя загаварылі аб магчымасці адмовы ад шматгадовага нейтралітэту і ўступленні ў НАТА на фоне расійскай спецаперацыі ва Украіне. Краіны афіцыйна падалі заяўкі на ўступленне ў НАТА ў сераду, 18 мая.
Генеральны сакратар арганізацыі Йенс Столтэнберг заявіў, што альянс разлічвае на "хуткія крокі" па афармленні членства гэтых краін. Аднак Турцыя заблакіравала пачатак працэсу разгляду заяўкі аб прыёме Фінляндыі і Швецыі ў ваенны саюз. Краіны не могуць быць прыняты ў альянс без аднагалоснага адабрэння ўсіх яго членаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У Крамлі прааналізуюць наступствы ўступлення Фінляндыі і Швецыі ў НАТА
Расія створыць 12 воінскіх часцей з-за новых пагроз на Захадзе
Пуцін абмеркаваў з Эрдаганам гуманітарную сітуацыю на Украіне
Само існаванне Расіі з’яўляецца раздражняльнікам для Захаду – Пяскоў
Пуцін сказаў Эрдагану, калі магчыма прыпыненне спецаперацыі ў Данбасе
Стужка навiн
0