Краіны ЕАЭС узмацнілі кантроль на межах з-за воспы малпаў

© Sputnik / Перайсці ў фотабанкСцяг з сімволікай Еўразійскага эканамічнага саюза (ЕАЭС)
Сцяг з сімволікай Еўразійскага эканамічнага саюза (ЕАЭС)
 - Sputnik Беларусь, 1920, 25.05.2022
Падпісацца на
Yandex newsTelegram
Распаўсюджанне рэдкай віруснай інфекцыяй, якая перадаецца і паміж людзьмі, было зафіксавана ў маі.
МІНСК, 25 мая - Sputnik. Усе краіны ЕАЭС узмацнілі меры санітарна-каранціннага кантролю на сваіх межах, аб гэтым заявілі галоўныя санітарныя ўрачы гэтых дзяржаў на пасяджэнні Савета кіраўнікоў упаўнаважаных органаў.
У мерапрыемстве прынялі ўдзел галоўныя санітарныя ўрачы Арменіі, Беларусі, Казахстана, Кыргызстана і Расіі. Таксама да пасяджэння далучыліся прадстаўнікі Таджыкістана і Узбекістана.
Ва ўсіх гэтых краінах, паводле заявы спецыялістаў, быў максімальна ўзмоцнены кантроль на межах, каб не дапусціць завоз воспы малпаў.
Таксама эксперты абмеркавалі пытанні, звязаныя з арганізацыяй лабараторнай дыягностыкі гэтага віруснага захворвання.
Як адзначылі ў Расспажыўнаглядзе, партнёры па ЕАЭС зацікавіліся расійскімі тэст-сістэмамі для лабараторнага выяўлення віруса малпавай воспы, а таксама аўтаномнай тэст-сістэмай, распрацаванай расійскім інстытутам "Вектар".
Раней у Міністэрстве аховы здароўя Беларусі расказалі, што ў краіне пакуль няма неабходных сродкаў для дыягностыкі гэтага захворвання, але іх распрацоўка актыўна вядзецца спецыялістамі РНПЦ эпідэміялогіі і мікрабіялогіі. Па планах іх зробяць да сярэдзіны чэрвеня.
Таксама ў беларускіх спецыялістаў ёсць дамоўленасць з Расспажыўнаглядам пры неабходнасці адпраўляць біялагічны матэрыял у інстытут "Вектар", каб зрабіць яго дыферэнцыяльную дыягностыку.

У Расіі тэсты ёсць

Як расказала кіраўнік Расспажыўнагляду Ганна Папова, у Расіі даўно зарэгістраваны ПЦР-тэст-сістэмы для выяўлення розных вірусаў воспы.
Там гатовыя пры з'яўленні якіх-небудзь падазрэнняў метадам ПЦР літаральна за некалькі гадзін вызначыць, воспа гэта ці нешта іншае.

Што за вірус?

Воспа малпаў - гэта рэдкае віруснае заанознае захворванне. Яно перадаецца чалавеку ад жывёл. Сімптомы гэтага захворвання ў чалавека падобныя з сімптомамі, якія ў мінулым назіраліся ў пацыентаў з натуральнай воспай, аднак яны менш сур'ёзныя.
Звычайна тыя, хто заразіўся гэтым вірусам, папраўляюцца за некалькі тыдняў, але ў некаторых бываюць і ўскладненні. Сярод першых сімптомаў воспы малпаў - ліхаманка, галаўны і мышачны болі, болі ў спіне, павелічэнне лімфатычных вузлоў, дрыжыкі і знясіленне.
Можа з'явіцца сып, які часцей за ўсё пачынаецца на твары, а потым спускаецца на іншыя часткі цела.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Колькасць заражэнняў воспай малпаў сярод людзей расце
Выпадкаў заражэння воспай малпаў у Расіі няма – міністр
СААЗ назвала сусветную статыстыку заражэння воспай малпаў
Стужка навiн
0