У МУС расказалі, як будуць узмоцнены меры аховы ў дзень апошніх званкоў

© Sputnik / Виктор ТолочкоАпошні званок у гімназіі № 12 Мінска, архіўнае фота
Апошні званок у гімназіі № 12 Мінска, архіўнае фота - Sputnik Беларусь, 1920, 30.05.2022
Падпісацца на
Yandex newsTelegram
Школьныя лінейкі з нагоды заканчэння навучальнага года пройдуць 30 мая. Традыцыйна міліцыя ў гэты дзень працуе ва ўзмоцненым рэжыме.
МІНСК, 30 мая - Sputnik. Міліцыя ў школах, а паблізу - групы хуткага рэагавання - у МУС распавялі, якія меры аховы правапарадку будуць прымацца 30 мая на школьных лінейках.
Па словах начальніка галоўнага ўпраўлення аховы правапарадку і прафілактыкі міліцыі грамадскай бяспекі МУС Аляксандра Купчэні, падобныя меры практыкуюцца ва ўсім свеце, усіх папрасілі паставіцца з разуменнем.
У кожнай школе будзе дзяжурыць міліцыянер, а непадалёк - група хуткага рэагавання на выпадак пазаштатнай сітуацыі. У школах узмоцняць прапускны рэжым, а побач з навучальнымі ўстановамі паставяць супрацоўнікаў службы ДАІ.
Калі заканчваюцца лінейкі, выпускнікі традыцыйна ідуць гуляць у паркі і скверы. У ведамстве нагадалі, што выпіваць не варта (продаж алкаголю, дарэчы, у святочныя дні абмежаваны): міліцыя будзе за гэтым строга сачыць.
З 1 па 9 чэрвеня 2022 года пройдуць выпускныя экзамены для вучняў 9-х і 11-х класаў. А выпускныя вечары для 9-х і 11-х класаў Міністэрства адукацыі рэкамендуе правесці 10 чэрвеня 2022 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларускія ВНУ пачнуць прымаць дакументы на паступленне з 18 ліпеня
Мінадукацыі расказала, калі можна даведацца аб прахадных балах ў ВНУ
РІКВ расказаў аб змяненнях у ЦТ-2022
Стужка навiн
0