Перасовачны музей "Цягнік Перамогі" хутка прыбудзе ў Беларусь

© SputnikФотафакт: "Цягнік Перамогі" прыбыў у Мінск
Фотафакт: Цягнік Перамогі прыбыў у Мінск - Sputnik Беларусь, 1920, 01.06.2022
Падпісацца на
Yandex newsTelegram
Гэта сумесны патрыятычны сацыяльны праект Беларускай і Расійскай чыгунак, у мінулым годзе "Цягнік Перамогі" пабываў у васьмі беларускіх гарадах.
МІНСК, 1 чэр – Sputnik. Унікальны перасовачны музей "Цягнік Перамогі" прыбудзе ў Беларусь 10 чэрвеня, паведамілі ў прэс-службе Беларускай чыгункі. Там таксама адзначылі, што ён будзе курсіраваць па тэрыторыі краіны каля месяца, да 4 ліпеня.
Упершыню такая патрыятычная акцыя БЧ была праведзена ў 2021 годзе. "Цягнік Перамогі" пабываў у васьмі гарадах Беларусі, экспазіцыю наведалі больш за 25 тысяч чалавек.
У БЧ Sputnik распавялі, што ў гэтым годзе геаграфія цягніка-музея стане значна шырэй.
"Цягнік Перамогі" зробіць прыпынкі ў 17 гарадах Беларусі – Оршы, Полацку, Віцебску, Крычаве, Жлобіне, Асіповічах, Баранавічах, Лунінцы, Пінску, Брэсце, Гродне, Калінкавічах, Гомелі, Магілёве, Бабруйску, Салігорску і Мінску", - удакладнілі суразмоўцы агенцтва.
Яны звярнулі ўвагу на тое, што акцыя праводзіцца па ініцыятыве БЧ сумесна з РЧ, пры падтрымцы Адміністрацыі прэзідэнта Беларусі.
Экспазіцыя возьме старт у Оршы 10 чэрвеня. Потым яна перамесціцца ў Брэст – сюды цягнік прыбудзе 21 чэрвеня, напярэдадні Дня ўсенароднай памяці ахвяр Вялікай Айчыннай вайны і генацыду беларускага народа.
28 чэрвеня цягнік апынецца ў Магілёве, у Дзень вызвалення горада ад нямецка-фашысцкіх захопнікаў.
"Завершыцца тур па Беларусі ў Мінску – у дні святкавання Дня Незалежнасці Рэспублікі Беларусь", - расказалі ў прэс-службе БЧ.
"Цягнік Перамогі" складаецца з дзевяці экспазіцыйных вагонаў, адзін з іх прысвечаны подзвігу абаронцаў Брэсцкай крэпасці – удзельнікам гераічнай абароны, салдатам і камандзірам Чырвонай Арміі.
У аснове экспазіцыі – трохмерныя панарамы, макеты ў натуральную велічыню, яна таксама суправаджаецца мультымедыяй.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Фотафакт: у Віцебску выстройваюцца доўгія чэргі на "Цягнік Перамогі"
Расія плануе прымусіць Латвію заплаціць за знос помнікаў
Рэканструкцыя "Хатыні" стане Усебеларускай маладзёжнай будоўляй – указ
Беларусі і Расіі патрэбны адзіны падручнік айчыннай гісторыі
Праекты Sputnik працягваюць радаваць беларусаў якасным VR
Стужка навiн
0